Eleitor feto ne'e ko'us hela nia oan wainhira vota ba sentru votasaun iha Villa Verde, Dili iha Eleisaun Prezidensial 20 Marsu 2017. Photo: TATOLI / Antonio Goncalves

DILI, 01 abríl 2022 (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco, informa eleitór foun sira-ne’ebé atu tuir eleisaun segunda volta ne’e aumenta 312 maibé Governu imprime bulletin votu ho nia kuantidade hanesan iha eleisaun prezidensiál 2022 primeira volta ne’e.

Kuantidade bulletin votu ba eleisaun prezidensiál segunda volta hanesan, maibé aumenta de’it uituan tanba foin daudaun imprime lista iha tan eleitór ne’ebé tinan atinje idade 17 iha 19 abríl ne’e aumenta hamutuk 312,” Acilino Manuel Branco hateten ba agência Tatoli, via telefónika, sesta ne’e.

Hosi totál eleitór 312 ne’e, maihosi eleitór sira-ne’ebé mak horibainhira tinan seidauk to’o no la tuir vota maske sira-nia kartaun eleitorál iha ona.

Tanba ne’e, nia dehan, Impreza Nasionál Timor-Leste (INTL) kinta (31/3) horisehik halo abertura hahú imprime no sei termina iha loron 12 abríl tinan ne’e, nune’e loron 13 bele entrega ona ba STAE no STAE sei deside hodi transporta ba munisípiu sira hotu no ba diáspora.

Tuir rezulatdu verifikasaun hosi CNE ba voltu, kandidatu Prezidente Repúblika períodu 2022-2027 ne’ebé mais votadu ho némeru sorteiu ida, José Ramos Horta, ho votu 303,477 (46,6%) no Kandidatu némeru sorteiu rua, Francisco Guterres “Lú Olo” ho votu 144.282 (22.1%)

Eleitór iha territóriu Nasionál hamutuk 864.754 ne’e kompostu hosi munisípiu Aileu 33.859, Ainaro 45.949, Baucau 96.875, Bobonaro 71.371, Covalima 47.965, Dili 191.423, Ermera 83.213, Lautém 48.665, Liquiça 51.160, Manatuto 35.926, Manufahi 41.012, RAEOA 51.653 no munisípiu Viqueque 58.564.

Dadus eleitór iha diaspora 7.119, kompostu hosi eleitór sira iha Austrália hamutuk 1.487, Korea do Súl 1.277, Irlandia 1.264, Portugal 857 no Reinu Unidu 2.234.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here