Edifísiu Timor Plaza. Imajen/Espesiál

DILI, 31 marsu 2022 (TATOLI)-Ministru Justisa (MJ), Tiago Amaral Sarmento, kinta (31/3) ne’e, halo enkontru ho na’in ba Timor Plaza, Jape Kongsun, hodi ko’alia  kolaborasaun ho Estadu hodi dezenvolve  Timor-Leste (TL)

“Presiza iha kolaborasaun di’ak ba prosssu investimentu no husu atu parte hotu la’o tuir lei. Tanba lei mak garante atividade investimentu iha rai laran,” refere nota  ne’ebé Agência TATOLI asesu, kinta ne’e. 

Kona-ba asuntu disputa sira, Governante ne’e dehan: “buat ne’ebé estadu nian, estadu mak sei deside estado nia sasan nia destino no buat ne’ebé partikular, partikular nian,” nia akresenta.

Ministru Tiago mós agradese ba Jape Kongsu, tanba maske ho idade 97, maibé sei iha interese ne’ebé makas atu hamutuk ho Estadu no Governu desenvolve Timor-Leste.

Iha biban ne’e, Nain ba Timor Plaza Jape Kongsun relata ba Ministru Justisa kona-ba investimentu  dezenvolvimentu  fatin turizmu  iha Fleixa, Maubisse, Munisípiu Ainaro.

Daudaun Timor Plaza kolabora ona  ho Diresaun Nasionál  Teras  Propriedade  ba haree  no halo ona diálogu ho komunidade, nune’e  komunidade fó apoio tebes planu refere.

“Iha tempu besik sei ba fali atu finaliza prosesu levantamentu kadastru. Nune’e bele hahú ona obra no  ba planu sira ne’e hotu no Timor Plaza husu governo nia apoiu kona-ba prosesu levantamentu kadastru no arrendamentu,” dehan Nia.

Jape Kongsu agradese tebes ba Ministru Justisa, tanba bele ba hasoru nia, no nia sente orgullu no onrado hodi simu Ministru Justisa ho nia komitiva.

Jornalista: Natalino Costa

Editór      :Florencio Miranda Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here