Ministru Defeza, Filomeno da Paixão de Jesus no Sekertáriu Estadu Protesaun Sivíl, Joaquim José Gumão dos Reis Martins, entrega armas ba Primeiru-Ministru, Taur Matan Ruak, prezide reuniaun Konsellu Ministru. Iha Palásiu Governu, kuarta (30/03). Imajen GPM

DILI, 30 marsu 2022 (TATOLI)— Servisu Nasional Intelejensia (SNI), konsege rekolla kilat ida ho bala musan no granada haat hosi komunidade sira iha munisípiu sira.

“Materiál arma ne’ebé parte SNI sira entrega ne’e iha granada haat, kilat modelu Kalibar 12 ida (1), bazoka, no kilat musan balun inklu gas lakrimojeniu. Materiál ezklusivu sira ne’e SNI foti hosi komunidade sira iha munisipiu hotu,” Vise Ministru Interiór Interinu, Joaquim Gusmão hateten ba jornalista sira hafoin reuniaun Konsellu Ministru iha Palásiu Governu, kuarta ohin.

Ministru Defeza, Filomeno da Paixão de Jesus no Sekertáriu Estadu Protesaun Sivíl, Joaquim José Gumão dos Reis Martins, entrega arma ba Primeiru-Ministru, Taur Matan Ruak, prezide reuniaun Konsellu Ministru. Iha Palásiu Governu, kuarta (30/03). Imajen GPM

SNI entrega materiál arma ne’e, ba Primeiru-Ministru no Ministru Interiór, Taur Matan Ruak hodi entrega tutan ba Ministru Defeza (MD), Filomeno da Paixão de Jesus, atu haree posibilidade halo destroisaun.

Governante ne’e esplika materiál arma hirak ne’e iha balun ne’ebé identifika ferrujen ona, maibé sei ativu hela no balun sei di’ak, tanba ne’e presiza haree hodi halo destroisaun.

Nia afirma, bazoka ne’ebé SNI entrega direta ba iha Ministru Defeza atubele tau iha fatin armazenamentu militár nian.  

Iha fatin hanesan, Ministru Defeza, Filomeno da Paixao de Jesus, hateten bazoka sei lori ba tau iha fatin armaenamentu militár nian.

“Ha’u hanoin bazoka, granada sira ho munisaun sira ne’ebé SNI entraga mai iha ha’u sei ba tau iha fatin armazenamentu militár nian,” governante ne’e akresenta.

 Jornalista: Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here