Diretór CNE RAEOA, Tomás Oqui Meta. Imajen Tatoli/Abílio Elo Nini.

DILI, 30 marsu 2022 (TATOLI) – Komisaun Nasionál Eleisaun (CNE, sigla portugés) iha Rejiaun Administrativa Espesiál Oé-Cusse Ambeno (RAEOA), hamoos ona materiál propaganda no kampaña eleitorál iha volta dahuluk nian hosi fatin públiku hafoin prepara ba volta daruak nian.

Diretór CNE RAEOA, Tomás Oqui Meta, hatete, bazea dekretu-governu númeru 3/2022 prevista iha artigu 15, katak hafoin eleisaun liutiha semana ida kandidatu hotu tenke hamos panfletu no materiál propaganda polítika.

“Tán ne’e mak horisehik, ami hetan orientasaun hosi CNE Nasionál atubele serbisu hamutuk ho parte kompetente sira atu hamoos panfletu no materiál propaganda polítika, maibé bazea observasaun ami identifika iha fatin públiku hotu iha teritóriu Oé-Cusse kuaze laiha,” Tomás Oqui Meta, informa ba Agência Tatoli liuhosi telefónika, kuarta ne’e.

Nune’e parte CNE solisita eleitór sira hosi kandidatu Prezidente Repúblika períodu 2022-2027 ho ekipa susesu tanba iha ona maturidade polítika di’ak iha mumentu kuandu tama ona ba loron votasaun hahú hamoOs ona materiál sira-ne’e.

“Ida-ne’e parte pozitivu ida, ita-nia partidu polítiku sira presiza haree tenke konsidera, nune’e iha futuru bele mantein nafatin disiplina, labele hein de’it CNE mak tenke hamoos maibé sira mós tenke iha responsabilidade, atu hamoos tanba tuir lei eleitórál sira mak tenke hamoos,” nia katak.

Kona-ba preparasaun ba segunda volta, parte CNE RAEOA, daudaun prepara ona rekursu ba ofisiál supervizaun hamutuk na’in-88, hodi observa lala’ok kampaña tantu kampaña nasionál no konsolidasaun iha terRitóriu Oé-Cusse.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here