Ministru Prezidénsia Konsellu Ministru interinu no atuál Ministru Finansa, Rui Augusto Gomes. Imajen TATOLI/Francisco Sony

DILI, 30 marsu 2022 (TATOLI)—Primeiru-Ministru (PM), Taur Matan Ruak, aprezenta Projetu deliberasaun ne’ebé hetan aprovasaun iha reuniaun Konsellu Ministru (KM), iha kuarta ne’e, hodi autoriza loke prosedimentu aprovizionamentu, liuhusi konkursu públiku internasionál ba adjudikasaun kontratu ba konstrusaun ‘Jardim da Chama Eterna’.

“Memoriál ida-ne’e ho símbolu a’as tebes, ho objetivu atu konsentra rekoñesimentu ba ema sira ne’ebé mate iha funu-laran,” Ministru Prezidénsia Konsellu Ministru interinu no atuál Ministru Finansa, Rui Augusto Gomes, relata hafoin reuniaun ezekutivu, iha Palásiu Governu, kuarta ne’e.

Notísia relevante: AMRT Aprezenta Ona Modelu “Jardim da Chama Eterna” Ba Altu Entidade

Ho deliberasaun ida-ne’e, ezekutivu sira autoriza Arkivu no Muzeu Rezisténsia Timor-Leste, Institutu Públiku (AMRT, I.P) atu asume kompromisu plurianuál relasiona ho ezekusaun obra konstrusaun ‘Jardim da Chama Eterna’.

Antes ne’e, lansa primeira pedra konstrusaun iha loron 20 agostu 2015, ne’ebé hala’o ho serimónia rituál hosi lia-na’in hosi munisípiu 12 inklui Rejiaun Administrativa Espesiál Oé-cusse Ambeno (RAEOA) no hetan bensaun hosi amu-lulik ida, nune’e, asaun ne’e konvida responsabilidade atu implementa hodi valoriza mártir no eroi sira ne’ebé mate ba rai ida ne’e.

Jardim da Chama Eterna sei harii iha AMRT nia oin, ne’ebé nia konseitu dezeñu sei prepara hosi Muzeu Rezisténsia, ne’ebé serbisu hamutuk ho arkitetu João Fero no Miguel hosi Portugal, ho medida rai ba konstrusaun ne’e purvolta metru kuadradu 2.000 resin.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here