iklan

EKONOMIA, HEADLINE, IMAJEN, MUNISÍPIU, OÉ-CUSSE (RAEOA)

Estensionista Oé-Cusse hahú kolleta hare-batar époka 2022

Estensionista Oé-Cusse hahú kolleta hare-batar époka 2022

Estensionista Oé-Cusse hahú halo crop-cutting ba hare no natar époka 2022. Imajen mídia Sekretáriu Rejionál Agrikultura RAEOA.

OÉ-CUSSE, 29 marsu 2022 (TATOLI) – Diresaun Rejionál Agrikultura liuhosi Departamentu Apoia Servisu Estensaun Agríkola, iha Rejiaun Administrativa Espesiál Oé-Cusse Ambeno (RAEOA), hahú kolleta hare no batar époka 2022.

Xefe Departamentu Apoia Servisu Estensaun Agr’ikola, iha diresaun agrikulktura Oé-Cusse, Amaro Efi, hatete, estensionista suku hahú kolleta (crop-cuting) iha sub-rejiaun Pante Makasar no Nítibe nian rezultadu produtvidade no área kultiva ba époka 2022.

Estensionista Oé-Cusse hahú halo crop-cutting ba hare no natar époka 2022. Imajen mídia Sekretáriu Rejionál Agrikultura RAEOA.

“Iha marsu ne’e ita hahú halo ona crop-cuting, ita realiza kada tinan ba suku 18 iha teritóriu Oé-Cusse ba plantasaun hare no natar inklui fore-rai, maibé ba époka tinan 2022 ne’e, fore-rai ita seidauk realiza, tanba seidauk to’o nia tempu atu kolleta,”, Amaro Efi, informa ba Agência Tatoli iha Horta, Oé-Cusse, tersa ne’e.

Nia informa, ba plantasaun batar, daudaun ne’e realiza ona iha sub-rejiaun Pante Makasar iha suku Lalisuk no suku Costa, kona-ba hare realiza ona iha suku haat, iha suku Costa, Lifau no suku Nipani, no hare metan iha suku Suni-Ufe perténsia sub-rejiaun Nítibe.

Hare iha modelu rua, hare ba natar no rai maran, entaun hare rai maran GLS ne’e sempre kada tinan halo crop-cuting, nune’e bele hatene produtividade kada tinan iha RAEOA.

“Rezultadu batar iha suku rua ne’e, ita atinje ona 2,7 to’o 3,3 ton/ektare hare rai-maran iha suku Nipani ita foin hetan 1,3 ton/ektare, hare natar ka Prátika Agrikultura Di’ak (PAD), ne’ebé durante tinan barak ita aplika GLS nia rezultadu hetan 6,5 ton/ektare, hare rai-metan foin daudaun ne’e ita realiza ona iha suku Suni-Ufe, ektare 1,5, nia rezultadu produtividade hetan 5,7 ton, maibé kuandu ita uza fali ba ektare 1,5, nia rezultadu 3,8 ton/ektare,” nia katak.

Rezultadu ne’e sei provizóriu hela, tanba atividade crop-cuting ne’e sei iha kontinuasaun to’o kobre hotu suku 18 iha teritóriu Oé-Cusse mak foin hatene rezultadu produtividade époka tinan 2022 nian.

Tuir nia, hare rai-maran nia rezultadu kada tinan tun kompara ho PAD rezultadu sa’e, tanba jestaun pakote agrónomia, tanba hare rai-maran nia sistema tratamentu ne’e, ladun tuir tékniku, maibé PAD la’o tuir tékniku no manutensaun ne’e hahú kedan hosi kuda, manutensaun to’o kolleta.

Dadus alimentár époka 2021, ba área natar kultiva ektare 4,597, no área kolleta ektare 4,485, ba área batar époka 2021 área kultiva ektare 6,596 área kolleta 6,567, no rezultadu ita-nia produsaun hare-kulit iha Oé-Cusse purvolta tonelada rihun 17 envolve haree rai-maran no natar, ho nia ekivalente tonelada rihun 10 sai foos, ba produsaun batar nia produsaun iha Oé-Cusse hamutuk tonelada rihun ida.

Jornalista   : Abílio Elo Nini
Editór         : Evaristo Soares Martins

iklan
iklan

Comments are closed.

iklan
error: Content is protected !!