Jerente CJC Calistro Leitu Gusmão,Imajen Tatoli,Celestina Teles.

COVALIMA, 29  marsu 2022 (TATOLI) – Sentru Juventude Covalima (CJC, sigla portugés) submete ona proposta haat ba Sekretáriu Estadu Juventude no Desportu (SEJD), revela Jerente CJC, Calistro Leite Gusmão, ba Tatoli iha Kampug-baru, ohin.

“Ami submete proposta bazea ba orientasaun hosi  Sekretariadu Estadu Juventude no Desportu (SEJD) atu realia programa no atividade sira iha Munisípiu Covalima”, realsa Jerente CJC.

Gusmão subliña, CJC submete proposta haat mak hanesan proposta fundu operasionál, formasaun edukasaun sívika, programa estímulu emprendedorizmu sosiál juventude suku (PIESJS) no kustu ba programa istímulu emprendedorismu sosiál juventude suku.

Proposta haat ne’e ho nia orsamentu hamutuk $55,134.00.  Proposta fundu operasionál ho valór $21,429.00 ba benefisiariu na’in ualu kompostu hosi feto ida mane hitu, formasaun edukasaun sivíka $3.125.00 ba benefisiáriu na’in 8 kompostu feto ida no mane hitu, programa istímulu emprendedorizmu sosiál juventude suku (PIESJS) $25,750.00 no apoiu kustu ba programa istímulu emprendedorismu sosiál juventude suku (PIESJS) $4,830.00 ba benefisiáriu na’in ualu komportu hosi feto ida no mane hitu.

Jerente rekorda katak Programa Istimulu Emprendorizmu Sosiál Juventude Suku sei kontinua implementa tanba tinan kotuk CJC hetan apoiu orsamentu hamutuk $45,000 atu fasilita joven sira iha postu administrativu.

“Iha tinan kotuk CJC iha osan hamutuk $45,000 fó apoiu ba ita nia juventude iha postu administrativu hotu, iha tinan 2021 ita konsege distribui orsamentu ba grupu 26, ho orsamentu $19,250 no restu hamutuk $ 25,750 haruka fila ba kofre Estadu”, lembra.

Grupo 26 ne’e iha Munisípiu Covalima,  foka liuba área sira hanesan meiu ambiente, turizmu no agrikultura iha postu administrativu sira  ne’ebé pertense iha Covalima, ne’ebé bazea ba rezultadu monitorizaun hosi CJC katak grupu tolu koleita ona ikan  iha postu Administrativu Suai vila no Maucatar.

Enkuntu hosi grupo 26  ne’e, grupu tolu  mak hatudu ona rezultadu hodi kolleita ikan maibé grupu sira seluk, CJC  sei kontinua halo monitorizaun ba sira nia ativdade.

Jornalista : Celestina Teles

Editór : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here