Prezidente Tribunál Rekursu, Deolindo dos Santos. Imajen Tatoli /Egas Cristovão.

DILI, 28 marsu 2022 (TATOLI)—Prezidente Tribunál Rekursu, Deolindo dos Santos, informa to’o iha segunda daderr ne’e Tribunál Rekursu seidauk simu rezultadu provizóriu apuramentu Nasionál hosi Komisaun Nasionál Eleisaun (CNE, siglá portugés) ba eleisaun prezidensiál 2022, nune’e kontinua hein no bainhira CNE remete ona mak sei halo apresiasaun tuir prazu ne’ebé iha.

Notísia Relevante: CNE finaliza elaborasaun akta rezultadu apuramentu nasionál

“Provizóriu to’o iha segunda daeder ne’e seidauk simu rezultadu apuramentu hosi CNE no seida’uk remete mai iha Tribunál Rekursu. Nune’e, hein de’it bainhira remete ona mai mak sura hosi oras ne’e, prazu oras 72 ba Tribunál atu apresia tenke fó sai ona no desizaun labele liu,” Prezidente Tribunál Rekursu ne’e hateten ba jornalista sira iha Palásiu Pezidensiál Nicolau Lobato, Bairru Pite, Dili, segunda ne’e.

Tuir lei eleisaun prezidensiál atribui ba Tribunál Rekursu ne’ebé ezerse kompeténsia Supremu Tribunál Justisa hodi apresia desizaun ne’e.

“Nune’e fiar katak sira sei remete iha tempu badak no Tribunál Rekursu sei halo esforsu tomak hodi apresia desizaun ba konkorente iha eleisaun,” nia dehan.

Prezidente Tribunál Rekursu ne’e, lakohi pronunsia uluk mateira hodi haree ba rezultadu provizóriu apuramentu CNE ne’ebé hatudu kandidadu Prezidente Repúblika la hetan votu to’o porsentu 50+1, nune’e kona-ba eleisaun segunda volta ka lae tanba sei hein rezultadu hosi CNE remete ba hafoin apresia mak bele proklama.

Nune’e, bainhira CNE remete ona mak Tribunál Rekursu karik posibilidade iha rekursu ba rezultadu provizóriu entaun Treibunál Rekursu apresia primeiru ba rekursu hotu mak apresia rezultadu finál.

“Hosi rezultadu finál mak bele hatene katak posibilidade ba segundu ronde ka lae,” nia hateten.

Orgaun eleitorál Komisaun Nasionál Eleisaun (CNE, sigla portugés) ro’o agora seidauk bele entrega rezultadu apuramentu nasionál tanba sura hosi tempu ba apuramentu nasionál to’o agora seidauk halo 24 oras.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here