Progresu kontrusaun UKL iha suku Matahoi, segunda (18/10). Imajen TATOLI/Vitorino Lopes da Costa

COVALIMA, 28 marsu 2022 (TATOLI)-Diretór Programa Nasionál Dezenvolvimentu Suku (PNDS) Munisípiu Covalima, Filipe Cardoso, informa prosesu konstrusaun ba uma kbiit laek hamutuk tolu iha suku Lepo, postu administrativu Zumalai, Munisípiu Covalima seidauk realiza iha tinan 2021.

Problema estrada aat maka difikulta transporte hodi transporta materiál konstrusaun ba fatin refere.

“Ligadu ho implementasaun konstrusaun UKL iha tinan 2021 iha munisípiu covalima konstrui UKL ho unidade 90 hosi númeru ne’e, ami seidauk halo konstrusaun UKL unidade tolu iha suku Lepo postu administrativu Zumalai,” nia hateten ba Agência Tatoli iha salaun administrasaun Covalima,ohin.

Tuir nia atu aselera prosesu kontrusaun ba UKL hamutuk tolu ne’ebé daudaun ne’e paradu hela maka nia parte kontaktu ona PNDS nasionál hodi halo aproximasaun ho Institutu Jestaun Ekipamentu (IGE-sigla portugés) atu hadi’a dalan nune’ebele fasilita transporte atu tula materiál ba fatin ne’ebá.

Maibé to’o ohin loron seidauk IGE rasik seidauk fó resposta atu hadia dalan ba suku refere.

“Tanba implementasaun atrazu ne’e prejudika alvu husi planu anuál PNDS ni’an iha tinan 2021 ne’e ita konstrui UKL unidade 90 tanba kondisaun estrada laiha entaun labele mobiliza materiál konstrusaun UKL,”nia dehan. 

Entretantu, progresu konstrusaun UKL jerálmente iha munisípiu covalima  daudaun ne’e atinje ona pursentu 78.28 (%) tanba projetu balun atinje ona 60% no balun 95%  la inklui ho UKL unidade tolu ne’ebé mak seidauk halo konstrusaun.

Iha tinan 2021 Munisípiu Covalima simu projetu konstrusaun uma kbiit laek hamutuk 90 hodi implementa iha suku 30 husi postu administrativu hitu ho totál orsamentu hamutuk $ 1,491.000.

Jornalista:Celestina Teles

Editor:Agapito dos Santos

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here