Diretora CBRN-TL, Norberta Soares. Imajen TATOLI/Natalino Belo.

BAUCAU, 28 marsu 2022 (TATOLI) – Organizasaun Community based Rehabilitation Network Timor-Leste (CBRN-TL) sei monitoriza serbisu antendementu saúde hasoru ema ho defisiensia iha munisípiu Baucau.

Diretora CBRN-TL, Norberta Soares hateten, programa monitorizasaun refere ligada ho infraestrutura iha ospitál, sentru no postu saúde, atendimentu pesoál saúde no fasilidade ne’ebé utiliza durante atende ema ho defisiénsia sira.

“Ita hakarak haree hotu, tanba kazu ne’ebé hasoru ema ho defisiénsia bainhira isin-rua iha probelma matan ka tilun ba fasilidade saúde iha antendimentu la ho dignu, ne’e diskrimina tebes hasoru ema ho defisiénsia sira,” Diretora CBRN-TL hateten iha Vila Nova, segunda ne’e.

CBRN-TL serbisu hamutuk ho autoridade lokál, prestadór serbisu saúde no membru auditória sosiál identifika postu admistrativu haat hanesan Baucau Vila, Venilae, Laga no Vemasse sai área tarjetu nune’e liuhosi enkontru informa ona prosesu kona-ba monitorizasaun asesu ema ho defisénsia ba serbisu saúde iha munisípiu Baucau.

CBRN-TL identifika sentru no postu saúde iha postu no suku sira laiha infraestrutura ba ema ho defisiénsia hanesan eskada aas, sentru no postu saúde balun iha foho-leten ne’ebé difikulta bainhira asesu ho kadeira roda.

Seluk mak ekipamentu iha fasilidade saúde hanesan kadeira roda, ai-tonka ne’ebé iha sentru no postu balun seidauk iha atu fasilita pasiente sira halo movimentu durante iha ospitál.

“Ita mós haree ba pesoál saúde sira-nia koñesimentu atu atende ema ho defisiénsia matan, sira iha maneira atu atende ka lae, ezemplu hanesan fahe ai-moruk,” Noberta akresenta.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here