Espoza Prezidente Repúblika, Cidália Lopes Nobre Mouzinho Guterres, hala’o vizita ba Sentru Saúde Vera-Cruz hodi haree labarik sira ne’ebé hetan moras dengue.Imajen Tatoli/Antonio Dasiparu

DILI, 26 marsu 2022 (TATOLI)— Tuir dadus estatístika hosi Ministériu Saúde (MS) liuhosi Diresaun Nasionál Saúde Públika, liuliu Departamentu Vijilánsia Epidemolojia, hahú fulan-janeiru  to’o horisheik,  rejista pasiente dengue 3.591 no hosi númeru ne’e labarik na’in-44 mak mate ona.

“Situasaun kazu dengue iha Timor-Leste hosi janeiru mai too horiseik hamutuk kazu 3.591 no kumulativu óbitu na’in 44,” refere nota ne’ebé Agência TATOLI, sábadu ne’e.

Maioria kazu ne’e deteta husi Munisípiu Dili ho totál 2.389, Baucau 221, Manatuto 164, Covalima 121, Ermera ho kazu 90, Manufahi 151 Viqueque 87, Ainaro 43, Liquiça 101, Aileu 85 no Bobonaro 43 Lautem 121, no RAEOA haat.

Munisípiu Dili nafatin rejista kazu ne’ebé aas iha semana dahuluk no semana da-sanolu dahuluk iha marsu 2022 ho totál kazu 2.389. Enkuantu semana da-sia no sanoluk kazu komesa redúz.

To’o ohin loron semana da-sanolu fulan-marsu ne’e, kazu dengue hosi postu administrativu Dom Alexo iha kazu 417, Cristo-Rei na’in-410, Vera-Cruz 268 no Nain-Feto 312.

Fasilidade saúde iha munisípiu Dili hanesan Hospitál Nasionál Guido Valadares (HNGV) rejista ona kazu dengue hamutuk 413, Klínika Fatumeta 239, sentru saúde Comoro 802, sentru saúde Vera-Cruz 197, sentru saúde Formoza 395, sentru saúde Becora 235, Klínika Madre Eliza ida, sentru saúde Atauro 11, sentru saúde Metinaro 34, Klínika Bairru-Pité 59, Klínika Motael na’in-rua no Klinika Moris Foun na’in-ida.

Apela ba populasaun

Ministériu Saúde kontinua apela ba populasaun iha Dili laran no mós iha Munisípiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, bainhira sente isin-manas, ka senti laran sa’e,liman-ain no sikun moras hodi bele hetan atendimentu husi profisionál saúde sira.

Apela mós Autoridade Munisipál no Autoridade Lokál atubele orienta komunidade halo limpeza jerál iha suku no bairru sira liuliu fase tanke, bidon ka balde tau bee semana ida dal aida.

Hamoos sasán ka limpeza hanesan roda aat, vazu ai-funan atu susuk labele tau tolun, haloot ropa ho di’ak iha ita nia uma laran,uza ropa ne’ebé liman naruk karik toba iha tempu loron, uza aimoruk hanesan repelente ka autan, uza moskiteru karik toba iha tempu loron, so’e lixu iha nia fatin.

Notísia relevante:   Pasiente dengue maioria iha Dili no hamate ona labarik na’in-40

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here