Diretór Jerál Servisu Korporativu iha Sekretaria Estadu Joventude no Desportu (SEJD) João dos Santos, foto hamutuk ho autoridade munisípiu Bobonaro no administradór postu sira inklui pesoál unidade serbisu sira. Imajen Tatoli/Sérgio da Cruz.

BOBONARO, 26 marsu 2022 (TATOLI) – Sekretaria Edstadu Juventude no Desportu (SEJD) tsesta ne’e entrega pesoál unidade serbisu hamutuk ema na’in-10 ba autoridade munisípiu Bobonaro atu destaka iha postu administrativu sira hodi identifika atividade joven sira-nia kreatividade iha área desportu.

Diretór Jerál Servisu Korporativu SEJD, João dos Santos, hateten ema na’in-10 sei destaka iha postu administrativu Atabe, Balibo, Cailaco, Bobonaro no Lolotoe no kada postu sei koloka ema na’in-rua kompostu ida responsabiliza ba ativdade juventude nian no ida sei responsabiliza ba atividade desportu.

“Ita hakarak tau ema sira-ne’e iha postu administrativu sira atu hakbesik atividade juventude no desportu ne’e to’o iha komunidade sira, iha nível suku ba to’o postu , tanba durante ne’e SEJD iha de’it pontu fokál iha munisípiu serbisu hamutuk ho sentru juventude, maibé kbiit lato’o atubele tau matan no identifika joven sira-nia kreatividade iha baze,” nia informa ba jornalista sira, iha salaun administrasaun munisípiu Bobonaro, sesta ne’e.

Diretór ne’e dehan, tarjetu ne’ebé pesoál unidade serbisu sei halo iha baze mak hanesan, identifika joven sira-nia kreatividade, halibur voluntáriu ba atividade juventude no desportu.

Nune’e mós fó formasaun ba joven sira kona-bá oportunidade ba formasaun eventu juventude no desportu no fó oportunidade vaga serbisu, mobiliza partisipasaun juventude  ba tuir formasaun edukasaun sívika, internete saudável, hakerek proposta no hakerek relatóriu.

SEJD mós apoiu ba programa empreendedorizmu sosiál juventude suku liuhosi grupu joven sira halo atividade produtiva iha area turismu, agrikultura prezervasaun ambientál no inisiativa produtiva sira seluk, organiza jogu desportu komunitária,e stimula atividade desportu semanál iha nível postu, identifika fasilidade desportu no atualiza informasaun kona-ba fasilidade desportu.

Alende ne’e identifika mós joven kreativu iha atividade desportu, identifika modalidade desportu ne’ebé mak eziste iha postu administrativu laran no introduús modalidade foun ida durante períodu kontratu, ikus-liu apoia grupu joven, elabora proposta hodi hatama ba parseiru dezenvolvimentu no Governu.

Administrador Postu Administrativu Cailaco, Alfredo Meta-dau, agradese ba governu liuhosi SEJD tanba iha ona hanoin atu fó oportunidade no espasu ba joventude sira iha nível suku, hodi bele epresa sra-nia talenta no kreatividade iha aáea desportu ne’ebé durante ne’e subar hela.

“Ami hanesan autoridade prontu koopera no serbisu hamutuk ho sira, espera katak liuhosi programa ida ne’e bele hadi’ak liután ita-nia joventude sira-nia talenta iha área desportu no kreatividade,” nia hateten.

Jornalista: Sérgio da Cruz

Editor: Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here