Prezidente Interinu Konsellu Imprensa, Expedito Dias Ximenes. Imajen Tatoli/Francisco Sony.

DILI, 25 marsu 2022 (TATOLI)—Prezidente Interinu Conselho de Imprensa (CI), Expedito Dias Ximenes, hateten iha períodu kampaña eleitorál ba eleisaun prezidensiál 2022 ne’ebé hahú hosi 02-16 marsu ne’e, CI halo monitorizasaun no identifika notósia iha meu komunikasaun sosiál balun ne’ebé la sensivel jéneru.

“Cl mós hetan ka identifika notísia meiu komunikasaun sosiál nian balun ne’ebé la sensível jeneru tuir papel jéneru nian iha kontestu kobertura no publikasaun relasiona ho kampaña no votasaun iha eleisaun 18 marsu 2022 ne’e,” Prezidente Interinu CI hateten iha konferénsia imprensa ba asina MoU, iha Kintál Boot, Dili, sesta ne’e.

Aleinde ne’e, nia esplika, durante monitorizasaun ne’e CI indentifika mós jornalista balun halo promosaun ba kandidatu sira liuhosi fahe-tutan informasaun no matéria sita kampaña polítika nian no halo komentáriu ne’ebé ho tendénsia fó apoiu ba kandidatu iha mídia sosiál (Facebook).

Ho rezultadu monitorizasaun no análiza ne’ebé iha, Cl hola pozisaun no foti asaun sira hanesan sei notifika ka fó xamada ba meiu komunikasaun sosiál no jornalista sira-ne’ebe komete infrasaun hasoru kódigu étika jornalistika, Lei komunikasaun sosiál no  Matadalan Reportajen Eleitorál.

CI sei fó sansaun forte ba jornalista no meiu komunikasaun sosiál ne’ebe komete infrasaun “grave” hasoru Kódigu Étika Jornalistika, Lei Komunikasaun sosiál no Matadalan Reportajen Eleitorál.

CI sei mantein komunikasaun ho redasaun meiu komunikasaun sosiál sira atu asegura ninia jornalista hodi nafatin kumpre auto-regulasaun sira hanesan Kodigu Étika Jornalitika no Matadalan Reportajen Eleitór iha eleisaun segunda volta ne’ebé tuur planu sei akontese iha 19 abríl.

Aleinde ne’e, Cl mós halo monitorizasaun ba aktu no atitude jornalista sira-nian iha mídia sosiál bazea ba matadalan mídia sosiál ba jornalizmu no matadalan reportajen eleitorál ba jornalista no meiu komunikasaun sosiál, ho nia rezultadu monitorizasaun no análiza durante periódu kampaña polítika no loron votasaun nian hatudu buat hirak tuir lala’ok ne’ebé iha.

“Maibé iha kobertura no publikasaun notísia, programa no reportajen direta (live streaming) liuhosi meiu komunikasaun sosiál iha períodu kampaña polítika la fó biban balansu ba kandidatu hotu-hotu tanba barak mak foka liubá figura boot sira ne’ebé hetan apoiu hosi partidu polítiku sira,” Expedito hateten.

Nune’e mós, iha mós notísia balun ne’ebé CI konsidera sensasionál ba provokativu ne’ebé la kontribu ba pás no estabilidade iha rai-laran tanba nakonu ho opiniaun jornalista ka editór nian, entaun konsidera hanesan propaganda polítika iha períodu eleisaun prezidensiál nian.

Maske nune’e, Prezidente CI kontinua hato’o apresiasaun ba komunikasaun sosiál ba jornalista hotu-hotu, tantu mídia imprime, online no mídia eletónika ba ninia kontribuisaun no servisu tomak iha períodu pra-kompaña polítika, períodu kampaña polítika no loron votasaun maske ho limitasaun oioin iha kontestu kobertura nian.

“Maibé jornalista kobre informasaun no nafatin públika notísia to’o programa importante no relevante sira hodi hakonu públiku nia direitu atu asesu informasaun kuaze semana rua resin iha periódu kampaña politika,” Prezidente Interinu CI ne’e hateten.

Jornalista : Francisco Sony

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here