DILI, 24 marsu 2022 (TATOLI) – Ministériu Ensinu Superiór Siénsia no Kultura (MESSK) realiza semináriu loron ida, hamutuk ho painelista sira hosi TIC Timor, Ministériu Justisa, Polísia Siéntifika Investigasaun Kriminál (PSIK) no Estatístika kona ba oinsá atu halo protesaun no jestaun ida di’ak atu asegura dadus ema seluk nian bainhira instituisaun ida rekolla.

Diretór Jerál Administrasaun Finansas hosi MESSK, Hernanio Viterbo da Costa Soares, hateten ministériu durante ne’e rekolla dadus barak loos hosi Instituisaun Ensinu Superiór públiku no privadu sira, maibé seidauk protejidu no aseguradu mak, atividade ida ne´e oinsa bele partilla informasaun kona-ba referidu asuntu.

“Sé seidauk karik oinsá ema hotu atu bele sente katak bainhira ninia dadus ema ida foti bele iha responsabilidade atu proteje no kuida didi’ak tanba ema balun bele aproveita dadus ema seluk nian hodi halo fali atividade komersiál, ka uza fali ba krime”, Hernanio ba jornalista sira iha Otél Timor, ohin.

Tuir nia katak kada tinan iha universidade sempre halo inskrisaun hodi simu estudante ho númeru ida boot tebes. Agora oinsá dadus estudante sira nian ne’e bele seguru. Tuir nia katak atividade ne’e la ko’alia kona ba ID falsu maibé haree liu kona-ba oinsá dadus sira ne’ebé uza ne’e iha ona lei ruma atu proteje ka lae. Tanba atu entrega dadus ba ema ida tenke sente seguru, nune’e ema seluk labele kriminaliza fali.

Jornalista: Tomé Amado

Editór : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here