Jogadora Indonézia nain-rua ne’ebé konfirmadu ona atu joga iha Maudoko FC iha tasa Rosa "Muki" Bonaparte epoka ne’e. imajen/ espesiál.

DILI, 24 marsu 2022 (TATOLI)– Na’in ba klube Maudoko FC, Taquino Soares, hateten empresta ona jogadora na’in-rua hosi Arema FC-Indonézia atu haforsa ekipa hodi kompete iha Liga Feto Timor (LFT) 2022, iha fulan-abríl ne’e.

“Ami agora prepara hela no hala’o treinu iha kampu Taibessi tanba ami aluga hodi uza treina iha loron tersa, kinta no sábadu, hahú tuku 02:00 too 04:00 lokoraik. Jogadóra Indonézia na’in-rua uluk mai ne’e sei fila-fali mai hamutuk ho ami. Tanba ami empresta de’it,” Taquino hateten ba Agência TATOLI iha nia fatin Delta I-Dili, kinta ne’e.

Notísia relevante: Jogadora Indonézia na’in-rua sei reforsa Maudoko FC

Jogadóra na’in rua ne’e sei mai reforsa Maudoko iha jornada klaran bainhira liga komesa ona iha fulan-abríl mai ne’e.

Daudaun ne’e, jogadóra ne’ebé atu reforsa Maudoko na’in-18. Estranjeiru na’in-tolu, kompostu na’in-rua mak pozitivu ona no hela ida sei iha prosesu nia laran, nune’e jogadora Maudoko hamutuk 21 mak rejista iha LFT époka ne’e.

“Ho esperiénsia kona-ba jogadóra na’in-rua ne’e fó konfiansa ba Maudoko FC atu lori mai Timor-Leste hodi joga hamutuk ho jogadóra lokál-sira iha Maudoko nune’e hanesan meiu ida atu jogadóra-sira bele manán esperensia hosi jogadóra estranjeiru rua ne’e,” nia akresent

Iha sorin seluk, Adjuntu Sekretáriu Jerál Federasaun Futeból Timor-Leste (FFTL), Frederico Martins, hateten, pozitivu ona Liga Futeból Timor sei hala’o iha abríl ne’e.

“Liga feto tinan ne’e ita sei hala’o iha abríl nia laran,” nia akresenta.

Biografia badak jogadora na’in-rua

Jogadora Ariska Kusumaningtyas moris iha Indonézia 26 janeiru 1995, klube ne’ebé antes ne’e jogadóra ne’e joga ba mak hanesan Putri kota kediri 2012 to’o 2017, Putri kab kediri 2017 to’o 2018, Kebumen futsal Anggel 2017, Kwb Putri Kota Batu 2019 no Arema FC Women 2019 to’o ohin loron atu muda provizóriu mai Maudoko.

Enkuantu, Anisya Widyawati moris iha Indonézia 21 marsu 1999. Klube ne’ebé antes ne’e nia joga, hanesan, Banteng Muda putri 2010-2018, selesaun nasionál Indonézia ba kualifikasaun joga hasoru Myanmar iha 2019.

Iha tinan 2019 to’o 2020 joga iha klube Putri Musi Rawas, 2019 joga iha Kwb Putri Kota Batu 2019 no iha 2020 to’o agora joga iha Arema FC Women to’o ohin loron.

Performe ne’ebé jogadóra ne’e halo bainhira joga iha klube Arema, ho nia jogu indivíduu sai “Best Player Linus Bali” 2018, “Best Player Turnamen Valentine cup 2021, no sai mellor markadóra Sriwijaya Women open 2021.

Jogadora Ariska Kusumaningtyas sei joga iha pozisaun médiu defensivu no Anisya Widyawati sei joga iha avansadu ho númeru kamizola ne’ebe seidauk termina.

Notísia relevante: FC Maudoko, vensedór terseira jornada LFT 

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here