Apoiante Kandidatura Prezidente Repúblika periudu 2022-2027, Tito da Costa Cristovão "Lere Anan Timur", tuir kampaña ho tipu komisiu iha Taibesi, Dili, tersa (15/03). Imajen Tatoli/Francisco Sony.

DILI, 24 marsu 2022 (TATOLI)—Prezidente Komisaun Nasionál Eleisaun (CNE-sigla portugés), José Agostinho da Costa Belo, hateten CNE preokupa ho kandidatu balun nia múzika kampaña nian ne’ebé ho tendénsia provokativu.

Notísia Relevante: CNE bolu-konfirma ekipa susesu kandidatu PR prolonga apuramentu nasionál

“Ami hato’o ona ba kandidatu sira-nia apoiante no husu sira atu muda múzika nia konteudu ne’e no múzika ne’e labele refere ba ema ruma ka instituisaun ruma, tanba ida-ne’e hanesan iha situasaun tendénsia provokativu nian maibé ita hakarak múzika ne’e hanesan lori dame nian ne’e,” Prezidente CNE ne’e hateten ba jornalista sira iha salaun CNE, Colmera, Dili, kinta ne’e.

Apoiante kandidatu Prezidente Repúblika períodu 2022-2027 sira tenke konsidera kestaun ne’ebé mak CNE deklara no sira mós tenke fiar ba asinatura paktu ne’ebé sira hala’o ona molok tama ba kampaña.

Kreatividade apoiante sira hodi kria ka hakerek múzika ba kampaña ne’e tenke mosu ho múzika ne’ebé lori dame hodi kontribui ba nasaun ne’e estabilidade, no labele lori fali múzika ho tendensia provokativu hodi provoka ema seluk.

“Ami-nia karta ami haruka tiha ona ba sira. Ohin, reuniaun mós ami hato’o ba sira no ha’u hein katak sira sei muda tanba hela kandidatu rua de’it ona. Karik ita tama segunda volta, entaun presiza hatudu komportamentu di’ak iha públiku. Ho nune’e, komunidade bele haree no rona hodi hili tuir sira-nia haree ida-ne’ebe mak di’ak no hili ho responsabilidade no sai Prezidente ba ema hotu,” nia dehan.

Jornalista : Osória Maruqes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here