Prezidente Parlamentu Nasionál Timor-Leste, Aniciteo Longuinhos Guterres Lopes, hasoru malu ho Prezidente Uniaun Inter-Parlamentár ka Inter Parliamentary Union (IPU), Duarte Pacheco. Imajen/Espesiál.

DILI, 23 marsu 2022 (TATOLI)—Prezidente Parlamentu Nasionál Timor-Leste, Aniciteo Longuinhos Guterres Lopes, tersa (22/03) ne’e, hala’o reuniaun bilaterál ho Prezidente Uniaun Inter-Parlamentár ka Inter Parliamentary Union (IPU), Duarte Pacheco, hodi diskute kona-ba kooperasaun bilaterál entre Parlamentu Timor-Leste ho IPU ba oin, iha Nusa Dua, Bali, Indonézia.

Notísia Relevante: Prezidente Parlamentu sei partisipa konferénsia mundiál IPU iha Indonézia

“Timor-Leste propoin mós ba Prezidente IPU, atu haree oinsá grupu CPLP no g7+ bele sai hanesan observadór ba IPU,” refere komunikadu imprensa ne’ebé Agência Tatoli asesu.

Prezidente Uniaun Inter-Parlamentár, Duarte Pacheco, informa IPU sei halo avaliasaun no estudu kle’an ba observadórs atuál ba sira-nia kontribuisaun no partisipasaun ativa iha âmbitu reuniaun IPU.

“Felizmente, inisiativa ne’e di’ak tebes, hodi bele konsidera iha Reuniaun Asembleia Uniaun Inter-Parlamentár (IPU) tuir mai iha Rwanda,” nota ne’e hateten.

Prezidente IPU ne’e propoin atu Timor-Leste sai uma-na’i) ba Reuniaun Grupu G20 hosi País CPLP iha Díli, entre loron 04-05 Outobru 2022 molok reuniaun grupu G20 iha Jakarta, Indonézia iha loron 06-07 outobru, 2022.

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here