Ministru Prezidénsia Konsellu Ministru, Fidelis Manuel Leite Magalhães. Imajen TATOLI/Francisco Sony

DILI, 23 marsu 2022 (TATOLI)—Governu liuhosi reuniaun Konsellu Ministru, kuarta ne’e, aprova Projetu Dekretu-Lei ba pagamentu suplementár funsionáriu, ajente no kontratadu Imprensa Nasionál Timor-Leste, Institutu Públiku (INTL, I.P) ne’ebé halo serbisu impresaun boletin votu ba Eleisaun Prezidensiál 2022. 

Proposta Dekretu-Lei ne’e aprezenta hosi Ministru Prezidénsia Konsellu Ministru, Fidelis Manuel Leite Magalhães.

“Pagamentu suplementár ne’e hodi haree ba nesesidade atu garante kumprimentu kalendáriu eleitorál ne’ebé estabelese ona ba períodu badak ba impresaun boletin sira, ne’ebé obriga serbisu kontinuu ida ho oras 24 kada loron, durante tempu naruk,” Ministru Fidelis relata hafoin reuniaun ezekutivu, iha Palásiu Governu.

Notísia relevante: INTL toma konta imprime boletin votu Eleisaun Prezidensiál 2022

Aleinde ne’e, pagamentu ne’e tanba haree durante ne’e traballadór sira laiha posibilidade hodi goza loron deskansa semana, aleinde oráriu normál serbisu nian, ho kondisaun ezijente tebes.

Jornalista : Antónia Gusmão

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here