Eis Primeiru Ministru, Xanana Gusmão akompaña Don Norberto do Amaral bá iha Aeroportu Internasionál Nicolau Lobato hodi dezloka ba Malázia hala’o tratamentu sáude. Imajen/espesiál.

DILI, 23 marsu 2022(TATOLI)- Amu Bispu Dioseze Maliana, Don Norberto do Amaral, kuarta ne’e, tuku 9:00, dezloka ona bá Malázia ho aviaun Malindo Air hodi hala’o tratamentu médiku.

“Ohin, Amu Bispu hala’o viajen ho aviaun Malindo Air, iha tuku 9:00, dader no sei to’o iha Malázia, tuku 12:10 hodi hala’o tratamentu saúde,”Xefe Departamentu Apoia Ospitalar Enkaminamentu iha Ministériu Saúde, Emelita Augusta hateten ba jornalista sira iha knaar fatin-Caicoli, kuarta ne’e.

Notísia relevante:  Don Norberto do Amaral sei bá hala’o tratamentu médiku iha Malázia

Amu Bispu Dioseza Maliana ne’e akompaña direta hodi família ba halo tratamentu médiku, hafoin rekuperadu mak fila hikas mai Timor-Leste.

Eis Primeiru Ministru, Xanana Gusmão akompaña Don Norberto do Amaral bá iha Aeroportu Internasionál Nicolau Lobato hodi dezloka ba Malázia hala’o tratamentu sáude. Imajen/espesiál.

“Amu Bispu ho nia familia de’it tanba aviaun nakonu no fatin laiha ba pasiente seluk, nune’e sei ba fali loron tuir mai,” Nia esplika.

Molok ne’e, Diretór Klínika Hospitál Nasionál Guido Valadares (HNGV, sigla portugés), Marcelino Correia, informa iha loron (28/02), kalan, Don Norberto do Amaral, transporta mai halo tratamentu saúde intensivu (ICU) Hospitál Nasionál Guido Valadares (HNGV) tanba sofre moras hipertensaun.

Tanba nia dehan, durante ne’e Amu Bispu sofre moras kardiovaskular, ne’ebé antes ne’e tau ona kadeli iha rai-li’ur no Amu Bispu mós nafatin halo tratamentu ba moras refere.

Akompaña Don Norberto bá iha Aeroportu Internasionál Nicolau Lobato kompostu hosi, Eis Primeiru Ministru, Xanana Gusmão, inklui Sarani katóliku no Padre balun hosi Dioseze Maliana no Dili inkui família Amu Bispu nian balun.

Notísia relevante: Don Norberto do Amaral baixa iha HNGV tanba sofre hipertensaun

Jornalista : Felicidade Ximenes  

Editór       : Florencio Miranda Ximenes

PUBLISIDADE HUSI MTCIiklan