Adjuntu Diretór Servisu Saúde RAEOA, Fugundo Lafo Esplika progresu Vasinasaun COVID-19 iha NÍtibe. Imajen Tatoli/Abílio Elo Nini.

OÉ-CUSSE, 22 marsu 2022 (TATOLI) – Progresu kampaña vasinasaun AstraZeneca kontra surtu COVID-19, iha sub-rejiaun Nítibe, Rejiaun Administrativa Espesiál Oé-Cusse Ambeno (RAEOA), daudaun ne’e atinje ona 69 %.

“Ita-nia esforsu tomak hosi 20 abríl 2021 to’o ohin, ita lansa vasina AstraZeneca iha sub-rejiaun sira, Nítibe iha doze primeiru konsege ema na’in-6.893 atinje 92%, ba doze segundu 4.433, reprezenta 69,6%, hosi tarjetu ne’ebé sub-rejiaun Nítibe iha, nia atinjementu maka 6.368,” Adjuntu Diretór Servisu Saúde Rejionál, Fugundo Lafu, ko’alia iha sub-rejiaun Nítibe, suku Usitaco, tersa ne’e.

Nune’e, bazea ba dadus hosi servisu saúde rejionál persentajén jerál iha RAEOA ba progresu vasinasaun ba COVID-19, liuliu idade 18 to’o idozu-sira, partisipa iha kampaña vasinasaun iha doze primeiru 38.451 mak simu ona, reprezenta ba 87,9%, doze segundu 31.251 no atinjimentu ba 75%.

“Atu informa ba autoridade komunitáriu sira katak, durante ne’e ita obriga malu atu mobiliza komunidade mai kompleta doze segunda, tanba doze primeiru ne’ebé simu ona, ita la hetan protesaun iha doze primeiru, tán ne’e presiza kompleta ba doze segunda atu hasa’e imunidade hodi proteje-aan hosi COVID-19,” nia katak.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here