Logotipu FFTL. Imajen/Espesiál

DILI, 22 marsu 2022 (TATOLI)— Diretór Tékniku Federasaun Futeból Timor-Leste (FFTL), Gaspar Quintão, hateten iha tinan ne’e, formasaun ba treinadór futeból ho lisensa D ba munisípiu Lautem no Bobonaro.

“Ita fó ona formasaun ba treinadór ba munisípiu hotu, maibé falta munisípiu Lautem no Bobonaro ne’ebé ita planu ona realiza iha tinan ne’e,” Gaspar hateten ba Agência TATOLI iha edifisiu FFTL Dili, tersa ne’e.

Notísia relevante:  FFTL fó formasaun báziku ba treinadór na’in-19

Hafoin formasaun ba lisensa D ba treinadór hirak ne’e parte FFTL haree balun ne’ebé prestasaun di’ak sei lori mai nasionál hodi kontinua formasaun ba lisensa C nian.

“Ita hala’o formasaun ne’e kada munisípiu ema na’in-24, munisipiu sira hotu ita konsege lori ona na’in-haat mai Dili atu tuir formasaun ba lisensa C,” nia akresenta.

Tuir dadaus hosi FFTL daudaun ne’e iha treinadór ne’ebé tuir ona formasaun ba lisensa B no D hamutuk na’in-200-resin hosi territóriu nasionál.

Hosi númeru ne’e 60% mak hatudu progresu di’ak no sai ona treinadór ba klube sira iha Liga Futeból Timor-Leste (LFTL), klube sira iha Liga Futsál Timor – Leste no seluk tan. Enkuantu 40% daudaun ne’e lidera hela klube lokál sira iha ida-idak nia munisipiu.

Treinamentu ba treinadór futeból sira ne’e hahú iha 2020 to’o ohin loron mak prodúz ona ema na’in 200-resin ne’e. Enkuantu Formasaun fó direita hosi instrutór Asian Football Confederation (AFC) ne’ebé FFTL kontratu ona iha tinan 2020 to’o agora.

Notísia relevante:  Treinadór futeból feminina na’in-24 termina formasaun

Jornalista: Hortencio Sanchez

Editór      : Florecio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here