Kontajen votu iha sentru votasaun Eskola Númeru 5 Comoro, sábadu (19/03). Imajen Tatoli/Francisco Sony.

DILI, 21 marsu 2022 (TATOLI)-Sekretariadu Tékniku Administrasaun Eleitorál relata ema ne’ebé la partisipa eleisaun prezidensiál 2022-2027 hamutuk 207.378 hosi totál eleitór rejistradu 852.613.

Númeru ne’e hatudu, eventu demokrátiku tinan ne’e hetan partisipasaun másima hosi votante sira ho pursentu 75,33, tanba ema hamutuk 652.235, kompostu mane 335,915 no feto 316.319 ne’ebé ezerse ona direitu iha eleisaun prezidensiál. Provisóriu, ema ne’ebé la tuir votasaun hamutuk 207.378 (24,12%).

Tuir kontajen iha akta finál hamutuk 1.200 hosi teritóriu nasionál, liuliu munisípiu 12 inklui Rejiaun Administrativa Espesiál Oekusi Ambenu (RAEOA) hatudu kandidatu José Ramos Horta hetan votu 301,481 ekivalente ho pursentu 46.58.

Kandidatu Francisco Guterres Lú Olo, hetan votu 143.408 (22,16%), Armanda Berta dos Santos, votu 56,289 (8,70 %), Lere Anan Timur, votu 48,959 (7,57%), Mariano Assanami Sabino, votu 47,008 (7,26%), Anacleto Bento Ferreira, votu 13,059 (2,02%).

Notísia relevante: Apuramentu nasionál sei hahú aban

Kandidatu Martinho Gusmão  iha votu 8.485 (1,31%), Hermes da Rosa Correia Barros  iha votu 7,958 (1,23%), Milena Pires  ho votu 5,335 (0,82%), Isabel Ferreira 4,165 (0,64%), Felisberto Araujo Duarte 2,615 (0,40%), Constâncio Pinto  ho votu 2,474 (0,38%), Rogério Tiago Lobato, votu 2,028 (0,31%), Virgílio Guterres da Silva ho votu 1,685 (0,26%), Antero Benedito da Silva iha votu 1,531 (0,24%) no Maria Ângela Freitas, votu 692 (0,11%).

Akta 1.200 hosi STAE hatudu votu validu 634,491 (97,44%), branku 3.625 (0,56%), nulu 12,572 (1,03%), votu reklamadu 437 (0,07%), votu rezeitadu 60 (0,01%), votu abandonadu 50 (0,01%).

Hahú aban komisária sira halo plenária hafoin hahú apuramentu nasionál, no konteúdu hosi apuramentu ne’e atu verifika rezultadu akta hosi munisípiu sira, hafoin submete apuramentu finál ba Tribunál Rekursu (TR) hodi halo validasaun no anúnsiu rezultadu finál.

Tuir planu buletin votu iha diáspora to’o iha Timor-Leste iha loron 27 marsu, maibé tuir lei apuramentu to’o de’it loron tolu mak hahú aban no sei termina iha loron 24 marsu 2022.

Notísia relevante: Maioria eleitór sira iha Dili partisipa eleisaun prezidensiál

 Jornalista         : Camilio de Sousa

Editora              : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here