Diretór STAE Baucau, Lúcio Freitas Salvador. Imajen TATOLI/Natalino Belo.

BAUCAU, 21 marsu 2022 (TATOLI) – Sekretariadu Tékniku Administrasaun Eleitorál (STAE) Munisípiu Baucau, konsidera taxa partisipasaun eleisaun prezidensiál iha munisípiu ne’e hatudu progresu di’ak tanba liu 50%.

Diretór STAE Baucau, Lúcio Freitas Salvador, esplika totál taxa partisipasaun eleitór iha Baucau másimu ona tanba liu pursentu 50 hosi ema nain-71.137 reprezenta 74,35% 35 hosi tótal lista eleitór 96.207.

“Signifika iha progresu di’ak, ema hotu-hotu iha interese hakarak kontribui ba eleisaun hodi fó rezultadu di’ak progresu dezenvolvimentu nasionál,” nia katak.

Nia akresenta, STAE Baucau kontinua rejista votu nulu 2.035 la signifika laiha preparasaun maibé konsidera eleitór sira mak laiha konsiénsia tanba durante  faze resensiamentu, brigadista sira hala’o edukasaun sívika to’o iha área rurál, hanesan aldeia no suku iha munisípiu refere.

“Brigadista sira halo edukasaun sívika to’o aldeia hodi hanorin inan-aman, maibé rezultadu votu nulu sa’e ne’e ita labele hatene depois tuir lei tenke lori ba apuramentu nasionál atu deside,” Lúcio akresenta.

Rezultadu apuramentu munisípiu Baucau hatudu katak hosi votante 71.137 ne’e kompostu votu nulu hamutuk 2.035 (2,86%), reklamasaun 93 (0,13%), rejeitadu 4 (0,01%), abandonadu 17 (0,02), branku 595 (0,84%) no tótal votu validu hamutuk 68.393 (96,14).

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here