Komandante Munisipiu Covalima, Superintendente Asistente, Basilio de Jesus. Imajen/Eugénio Pereira

COVALIMA 20 marsu 2022 ( TATOLI) – Eleisaun prezidensiál iha munisípiu Covalima la’o ho kontroladu tanba hetan seguransa másima hosi Polísia Nasionál Timor-Leste (PNTL).

Komandante PNTL Munisípiu Covalima, Superintendente Asistente Basílio de Jesus informa, durante eleisaun prezidensiál iha loron 19 marsu to’o oras ne’e seguransa jeral la’o  ho kontroladu.

“Atu dehan ba ita hotu katak iha Munisípiu  Covalima durante eleisaun presidensiál períodu 2022-2027 situasaun seguransa  jerál kontroladu. Tanba ita iha munisípiu covalima kompostu hosi eskuadra 7 ho sentru votasaun 80 no estasaun votasaun 92 ,”  nia informa ba Agência Tatoli, iha STAE Covalima, domingu ne’e 

“Iha loron 19 fulan- marsu ne’e bainhara  ita hahú votasaun iha tuku 7:00 to’o ohin, Ita la hasoru problema grave, asaun balun hosi pesoál maibé tanba tempu udan,” Basílio hateten. 

Ho nune’e, sentru votasaun iha postu administrativu Fatululik,  Fatumea no Fohorem to’o tarde no sentru votasaun, suku Mape no Usecai ohin dader foin to’o iha STAE munisípiu Covalima tanba kondisaun estrada no mota boot.

“Ha’u rasik tún ba terrenu, la deskansa hodi la fó oportunidade militante hotu atu destroi estabilidade iha sentru votasaun sira,” nia informa.  

Jornalista   : Celestina Teles

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here