Eleitór sira iha sentru votasaun suku Holsa, postu administrativu Maliana, munisípiu Bobonaro forma hela atu ba vota. Imajen Tatoli/Sérgio da Cruz.

DILI, 21 marsu 2022 (TATOLI)—Deputadu Congresso Nasioncional Reconstrução Timorense (CNRT) no Frente Revolsuionariu de Timor-Leste Indepedente (FRETILIN) preokupa ho taxa partisipasaun eleitór menus iha eleisaun prezidensiál ne’ebé Gobernu realiza  iha 19 marsu 2022.

Notísia Relevante: Rezultadu provizóriu eleisaun Prezidensial 2022-2027, Ramos Horta kontinua lidera  

Vise Bankada CNRT, Patrocinio Fernandes, hateten eleisaun prezidensiál tinan ne’e la’o ladún di’ak bainhira kompara ho eleisaun tinan hirak liubá tanba taxa partisipasaun eleitór barak la partisipa no loloos esperieésia sira liubá ho eleisaun ne’e hadi’a di’ak liután.

“Ita haree hosi taxa partisipasaun menus loos hatudu katak inkapasidade Governu hanesan implementadór ba eleisaun liuhosi STAE,” Patrocinio hateten ba jornalista sira iha Parlamentu Nasionál, segunda ne’e.

Mosu lamentasaun kona-ba sentru votasaun paralelu, nia dehan, hanesan deputadu iha komsaun A bainhira mosu diskusaun atu altera lei eleisaun prezidensiál la konkorda atu harii tanba hanesan buat foun ba STAE atu halo laiha rekursu seidauk bele kobre no tempu limitadu oinsá bele sensibiliza nia mekanizmu sir aba sidadun atu asesu.

Loloos asegura eleitór sira-=nia direitu atu ezerse  nia direitu síviku no tenke partisipa másimu, maibé ida-ne’e mak realidade hatudu inkapasidade hosi Governu hanesan implementadór menus edukasaun sivíka.

“Sidadun nia kuñesimentu laiha tanba menus sonsibilizasaun. Nune’e, ikus mai sidadaun barak la ezerse sira-nia direitu votu iha sentru votasaun paralelu no sai problema,” nia dehan.

Tanba ne’e, nia husu ba órgaun implementadór presiza buka solusaun ho di’ak hodi hadi’a eleisaun sira tuir mai iha tempu oin mai.

Deputadu FRETILIN, José Agostinho Sequeira ‘Somotxo’, la kontente tanba eleitór kuaze 30%-resin la partisipa iha eleisaun prezidensiál 2022 hodi ezerse sira-nia direitu síviku hodi hili sira-nia líder sai Xefe Estadu.

“Tanbasá ita-nia populasaun la partisipa. CNE-STAE presiza justifika ida-ne’e,” nia dehan.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here