Komisaun Nasionál Eleisaun (CNE-sigla portugés) hahú simu ona materiál eleitorál hosi munisípiu sira. Imajen Tatoli/Osória Marques.

DILI, 21 marsu 2022 (TATOLI)—Vise Prezidente Komisaun Nasionál Eleisaun (CNE-sigla portugés), Domingos Barreto, hateten CNE nasionál hahú simu ona materiál eleitorál hosi munisípiu neen.

Notísia Relevante: Ohin, STAE distribui materiál eleisaun ba sentru votasaun 1.200 iha territóriu nasionál

“Ita hahú simu ona materiál hosi munisípiu Aileu, Ermera, Manufahi, Viqueque no Manatuto. Nune’e apuramentu nasionál hahú aban dutante oras 72 nia-laran depois rezultadu entrega ba Tribunál Rekursu,” Domingos Barreto hateten ba Agência TATOLI, iha nia knaar fatin, Dili, segunda ne’e.

Nia hatutan, preparasaun ba sentru apuramentu prepara ona hein aban hahú halo ona apuramentu nasionál tanba ekipamentu instaladu hotu ona.

“Ita preparadu ona atu halo apuramentu tanba ita-nia ekipamentu instaladu hotu ona no hein de’it aban hahú,” nia esplika.

Apuramentu nasionál ne’e halo tanba atu haree ba votu nullu sira-ne’e no buletin ne’ebé mak vale ne’e sei atribui ba kandidatu ida-ida.

Notísia Relevante: Eleitór hamutuk 17.228 la tuir Eleisaun Prezidensiál iha Ermera

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here