Administradór Munisípiu Covalima, Francisco de Andrade. Imajen Tatoli/Celestina Teles.

COVALIMA, 21 marsu 2022 (TATOLI)—Administradór Munisípiu Covalima, Francisco de Andrade, triste haree dadus hosi Sekretáriu Tékniku Administrasaun Eleitorál Covalima hatudu eleitór 10.000-resin iha munisípiu Covalima la tuir vota.

Notísia Relevante: Rezultadu apuramentu Covalima, Ramos Horta manán ho votu 17,965

“Ita haree bazea ba dadus hosi STAE votante ne’ebé vota iha eleisaun eleitór na’in 37.534 ho nia persentajen 79,06% hosi eleitór 47,476. Entaun ita haree triste signifika 10.000-resin la ba vota,” Autoridade Munisípiu Covalima ne’e hateten ba jornalista sira, iha salaun STAE Covalima, Kampung Baru, kuarta ne’e. 

Nu’udar sidadaun ne’ebè di’ak, nia dehan, tenke ezerse nia direitu tanba eleisaun realiza iha tinan lima (5) dala ida, maibé tanba saida mak eleitór sira la partisipa iha eleisaun prezidsniál 2022 ne’e.

“Ho taxa partisipasaun atinje de’it 79,06%, entaun ba oin ita dehan eleisaun sei bolu autoridade lokál no autoridade postu administrativu sira atu hato’o mensajen ba eleitór sira bele partisipa másíma iha eleisaun,” nia dehan.

Komisariu CNE destakadu Aileu no Covalima, Carlito Martins reforsa, eleitór partisipa eleisaun atinje 79,06% ne’e signifika taxa partisipasaun la’o di’ak.

“Eleitór partisipa eleisaun atinje 79,06% entaun taxa partisipasaun di’ak. Se bele taxa partisipasaun tenke atinje 100% maibé ha’u lábele halo espekulasaun,” nia dehan.

Bazea ba rezultadu eleisaun katak taxa partisipaun eleitór iha munisípiu Covalima 37, 534 atinje de’it 79,06 % mak ba vota, entaun ne’e hatudu rezulatadu di’ak maske iha impaktu Edukasaun sivika 

Antes ne’e tempu limitasaun ba CNE realiza Edukasaun sivika ba eleitór sira hodi fó importánsia ba prosesu eleisaun, maibé enkoraja nafatin CNE atu kontinua realiza Edukasaun sivika la’ós iha nivel eskola no iha vila to’o iha área rurál 

“Ita identifika mós Suku balun ne’ebè nia eleitór potensiál barak, nune’e bele hasa’e taxa partispasaun,” nia dehan.

Bazea ba dadus hosi STAE, antes ne’e rejistu eleitór ne’ebè atu vota 47,476 maibé realidade eleitór ne’ebè tuir vota hamutuk 37,535 ne’ebé reprezenta 79,06%. 

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here