Eleitór sira iha sentru votasaun suku Holsa, postu administrativu Maliana, munisípiu Bobonaro forma hela atu ba vota. Imajen Tatoli/Sérgio da Cruz.

BOBONARO, 19 marsu 2022 (TATOLI) – Kandidatu Prezidente Repúblika períodu 2022-2027 ho númeru sorteiu 14, José Manuel Ramos Horta, manán ho votu 433 iha sede aldeia Loloa, suku Holsa, postu administrativu Maliana, munisípiu Bobonaro.

Iha sentru votasaun ne’e kandidatu Mariano Assanami Sabino hetan ho votu 153, Francisco Guterres ‘Lú Olo’ hetan votu 107, Armanda Berta dos Santos hetan votu 38, Martinho Gusmão hetan votu 34, Tito da Costa Cristovao ‘Lere Anan Timur’ hetan votu 29.

Nune’e mós Hermes da Rosa Correia Barros hetan votu 27, Maria Helena da Costa Pires hetan votu neen, Isabel Ferreira ho votu lima, Felisberto Aroujo Duarte hetan votu haat, Anacleto Bento Ferreira hetan votu rua, Rogério Tiago Lobato hetan votu ida, restante zero.

Sentru votasaun ne’e kobre aldeia tolu mak hanesan aldeia Bilicou, Loloa no aldeia Taz ho totál eleitór hamutuk 859, válidu 841, branku rua, nulu 16, reklamadu no rejeitadu zero.

Sentru votasaun ne’e hetan observasaun husi observadór nasionál, fiskál sira hosi kandidatura na’in-16, brigadita, ofisiál eleitorál hosi STAE no CNE no hetan seguransa hosi Polísia Nasionál Timor-Leste (PNTL) munisípiu Bobonaro.

Jornalista: Sérgio da Cruz

Editor: Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here