Prosesu apuramentu iha STAE Baucau hahú hala’o iha salaun apuramentu admistrasaun Baucau Vila nova, SÁbdu (19/03). Imajen Tatoli/Natalino Belo.

BAUCAU, 19 marsu 2022 (TATOLI) – Sekretariadu Tékniku Administrasaun Eleitorál (STAE) Munisípiu Baucau, hahú ona hala’o apuramentu hafoin simu akta hosi sentru votasaun lima tama purvolta tuku 20:00.

Diretór STAE Baucau, Lúcio Freitas Salvador, esplika, iha tuku 07:00 sentru votasaun ida mak to’o hosi Haurobu, suku Caibada. Nune’e kontinua kedas hosi Buruma tasi, Eskola Ensinu Santo António Baucau nune’e prosesu apuramentu munisipál la’o-tuir lei haruka.

“Tuir lei akta lima tama ona ita hahú ho aprumentu,” Diretór STAE Baucau hateten iha Vila Nova, sábadu ne’e.

Bainhira akta sira-ne’e to’o hotu ona, STAE munisípiu Baucau sei finaliza iha oras 04:00 dadeersan maibé tanba maioria akta seidauk to’o hotu no provizóriu foin tama hosi postu Baucau Vila ho Vemasse sorin.

Enkuantu postu administrativu haat seluk hanesan Baguia, Laga no Quelicai tuir planu sei tama hanesan tanba konvoiu, enkuantu Venilale sei iha presesu kontajen.

“Sira seidauk to’o tanba dook no eleitór mos barak vota tarde no apuramentu inisiál dalaruma kleur, maibé razaun prinsipál mak tanba hosi dook entaun konvoiu mak mai,” Lúcio akresenta.

Dadus provizóriu daudaun ne’e tótal akta ne’ebé tama ona iha STAE Baucau hosi tótal sentru votasaun 20 kompostu hosi suku Caibada hamutuk rua, Buruma tolu, Tirilolo rua, Uailili ida, Vemasse tasi rua, Ossouala ida.

Nune’e mós Gariuai rua, Samalari rua no seluk tan hosi tótal sentru votasuan iha Baucau hamutuk hotu 125 ne’ebé dijita ona hamutuk akta 11, no seidauk dijita akta 114 hosi eleitór hamutuk na’in-96.207.

Entretantu tabulasaun munisípiu Baucau provizoriumente kandidatura prezidente repúblika númeru sorteiu 6, Francisco Guterres ‘Lú Olo  mak lidera ho pursentu 43,47% hosi votante 1.500.

Purtantu kandidatu númeru sorteiu 14 ho pursentu 28,17 hosi votante 972 no kandidatu independente Lere Anan Timur ho pursentu 12,66 hosi votante 437.

Jornalista    : Natalino Belo

Editór           : Evaresto Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here