Kontajen votu. Imajen Tatoli/António Dasiparu.

DILI, 19 marsu 2022 (TATOLI) – Kandidatu Prezidente Repúblika Timor-Leste períodu 2022-2027 ho númeru sorteiu 14, José Ramos Horta, manán ho votu 2.140 iha suku Mascarenhas, Postu Administrativu Vera-Cruz, Munisípiu Díli – iha sentru votasaun Eskola Sekundária Cristal ho totál 1.053, Eskola Pré-Sekundária Cristal 582 no sede suku 505.

Iha sentru votasaun tolu ne’e kandidatu Francisco Guterres Lú Olo hetan votu 449, Armanda Berta dos Santos 193, Lere Anan Timur 176, Mariano Assanami Sabino 125.

Eva kandidatu independente hanesan Hermes Correia Barros 117, Maria Helena Lopes Pires 87, Constâncio Pinto 17, Anacleto Bento Pereira 13 no Martinho Gusmão 13.

Nune’e mós kandidatu Felisberto Duarte ho votu sanulu, Rogério Tiago Lobato sanulu, Isabel da Costa Ferreira sia, Virgílio Guterres neen, Antero Bendito da Silva ida no Maria Ângela Freitas da Silva zero.

Tuir kontajen husi ofisiál eleitorál, totál nulu hamutuk 59, branku sanulu, reklamadu zero no rezeitadu ida.

Suku Mascarenhas iha sentru votasaun tolu ne’e ho totál eleitór 4.950.

Iha eleisaun ne’e hetan observasaun husi observadór nasionál, internasionál, fiskál husi kandidatu sira, brigadista, ofisiál eleitorál husi Sekretariadu Tékniku Administrasaun Eleitorál no Komisaun Nasionál ba Eleisaun (CNE, sigla portugés) no hetan seguransa másima husi Polísia Nasionál Timor-Leste (PNTL).

Jornalista: Afonso do Rosário

Editora: Maria Auxiliadora 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here