Kampaña Kandidatu PR, José Manuel Ramos Horta, iha kampu 745, iha Lautém, kuarta (02/03). Imajen TATOLI/Jogerjo Guterres

DILI, 19 marsu 2022 (TATOLI)—Kandidatu Prezidente Repúblika (PR) hosi partidu Congresso Nacional da Rekonstrução de Timor (CNRT) ba períodu 2022-2027, ho númeru sorteiu 14, José Ramos Horta, lidera ho votu 1.144 iha sentru votasaun estabelesidu iha Eskola Ensinu Báziku Filiál (EBF) Farol.

Sentru votasaun ne’e hanesan fatin ne’ebé Kandidatura ho númeru sorteiu 06, Francisco Guterres ‘Lú Olo’ vota.

“Totál votante iha sentru ne’e hamutuk 1.953, maibé ida abandonadu, nune’e totál eleitór 2.950, votu nulu 2, reklamasaun 1, branku 3, no inválidu 1,”  Reprezentante Brigadista sentru votasaun Farol, João de Castro Sousa, hateten, sábadu ne’e.

Notísia relevante: Lú Olo fiar metin manán iha primeira volta

Nune’e, kandidatura Francisco Guterres ‘Lú Olo ho votu 297, Lere Anan Timur ho votu 161, Mariano Asanami Sabino ho votu 105, Maria Helena Lopes de Jesus Pires ho votu 57, Armanda Berta dos Santos  ho votu 54, Antero Bendito ho votu 1.

Nune’e mós, Constâncio Pinto tolu ho votu 3, Virgílio Guterres ho votu 17, Martinho Gusmão ho votu 5, Felisberto Araújo Duarte ho votu 2, Ângela Freitas da Silva ho votu 1, Rogério Lobato ho votu rua, Anacleto Ferreira ho votu 5, Hermes da Rosa Correia Barrosho votu 61, no Isabel Ferreira ho votu 11.

Populasaun partisipa Eleisaun Prezidensiál ho antusiazmu, ne’ebé hahú votasaun hosi tuku 07:00 to’o 15:00 no prosesu kontajen votu hahú iha tuku 17:00 tomo 22:20.

Durante atividade, akompaña hosi fiskál kandidatura sira, observa hosi Komisaun Nasionál Eleisaun (CNE, sigla portugés), Observadór internasionál, no hetan seguransa másima hosi Polísia Nasionál Timor-Leste (PNTL), nune’e situasaun la’o di’ak no hakmatek.

Jornalista : Antónia Gusmão

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here