Kandidata Prezidente Repúblika, ho númeru sorteiu 3, Maria Ângela Freitas. Imajen/Hortencio Sanchez

DILI, 19 marsu 2022 (TATOLI)– Kandidata Prezidente Repúblika, ho númeru sorteiu 3, Maria Ângela Freitas hetan votu sia iha nia-suku  rasik, Grisenfor, postu administrativu Nain-Feto, Munisípiu Dili tanba maioria eleitór fó votu ba Kandidatu José Ramos Horta no Francisco Guterres Lú-Olo.

Iha sentru votasaun suku Grisenfor, postu administrativu Nain-Feto, munisipiu Dili kompostu hosi Aldeia tolu hanesan aldeia Grillos, Formosa no Sentrál, fó votu konfiasa ba kandidaura ho númeru sorteiu 14, Ramos Horta ho votu 412, tuir kedan Kandidatu númeru sorteiu 6, Francisco Guterres Lú-Olo iha na’in-184.

Enkuantu kandidatura seluk hanesan Isabel Fereira iha votu ida, Hermes Barros Correia votu tolu, Rogério Lobato ida, Anacleto Bento Fereira laiha, Maria Helena Lopes de Jesus Pires votu 15, Lere Anan Timur iha votu 33, Armanda Berta dos Santos votu 15, Antero Benedito laiha, Constançio Pinto iha votu ida, Virgílio da Silva Guterres  votu 12, Martinho Gusmão votu ida, Felisberto Duarte laiha no Mariano Assanami Sabino Lopes  iha votu 18.

Tuir kontajen hatudu iha votu nulu hamutuk tolu, kanseladu laiha, mutin la vota na’in-ida no  reklamadu laiha.

Iha sentru votasaun ne’e bulletin votu ne’ebé distribui hosi Sekretariadu Tékniku Administrasaun Eleitorál (STAE) hamutuk bulletin ulun 23, kada ulun ida  hamutuk 50 ho totál 1.150, hosi númeru ne’e bulletin ne’ebé eleiór sira uza ba vota hamutuk 709 no la uza 441.

Totál ema ne’ebé tuir votasaun iha área ne’e hamutuk 709, kompostu husimane na’in-268 no feto na’in-441.

Votasaun iha Grisenfor hahú tuku 07:00 to’o 15:00 la mosu probelma rua no situasaun la’o kontroladu tanba hetan seguransa masimu hosi Polisia Nasional Timor – Leste (PNTL).

Kontajen votus hahú tuku 15:05 otl no ramata iha 18:30. Kontajen ne’e hetan observasaun direta hosi fiskál kada kandidatura, Komisaun Nasionál Eleisaun (CNE-sigla Portugés) no Observadór Euniaun Eropeia no hetan seguransa másimu hosi Polisia Nasionál Timor-Leste (PNTL).

Notísia relevante:Ângela Freitas: “Ha’u respeita povu nia desizaun”

Jornalista: Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here