Fiskál munisípiu Dili bainhira distribui urna ba sentru votasaun sira, sesta (18/03) ne’e. Imajen TATOLI/António Dasiparu.

DILI, 18 marsu 2022 (TATOLI)—Diretór Jerál Sekretariadu Tékniku Adminitrasaun Eleitorál (STAE), Acilino Manuel Branco, hateten STAE rejista ofisiál eleitorál, brigadista no fiskál kandidatu Prezidente Repúblika hamutuk 36.000-resin ba eleisaun Prezidente Repúblika iha territóriu nasionál.

Notísia Relevante: Ohin, STAE distribui materiál eleisaun ba sentru votasaun 1.200 iha territóriu nasionál

“Ita rejistu ofisiál eleitorál 15.000, brigadista 1.200 no fiskál kandidatu hamutuk rihun 20, husi numeru refere kada kandidatu ida-nian hamutuk 5.420,” Diretór STAE hateten ba jornalista sira, iha salaun STAE, Dili, sesta ne’e.

Tuir lei katak iha eleisaun prezidensiál sei destaka fiskál ba kada sentru votasaun sira nune’e fiskál na’in rua-rua sei destaka iha sentru votasaun no iha prosesu apuramentu munisipál na’in-tolu (3) no apuramentu nasionál mak fiskál na’in-rua (2) mak sei destaka iha ne’ebá.

Fiskál sira-ne’e tenke prnxe rekezitu sira hanesan aprezenta kartaun eleitorál, sertifikadu vasinasaun no fotografia.

Iha distribuisaun materiál eleisaun loron sesta (18/03) ne’e, Diretór Jerál STAE husu fiskál hotu-hotu atu prosesu distribuisaun materiál eleisaun ba sentru votasaun sira to’o apuramentu munisipál garante susesu ba eleisaun prezidensiál 2022 ne’e.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here