Prezidente Autoridade Munisípiu (PAM), Olívio 'Bou-Lesa' Freitas. Imajen Tatoli /Natalino Belo.

BAUCAU, 18 marsu 2022 (TATOLI) –  Prezidente Autoridade Munisípiu Baucau, husu ba autoridade lokál sira atu halao kna’ar tuir kompeténsia no labele intervein serbisu Sekrertariadu Tékniku Admistrasaun Eleitorál (STAE) durante realizasaun eleisaun prezidensiál.

Prezidente Autoridade Munisípiu (PAM) Baucau, Olívio ‘Bou-Lesa’ Freitas, husu atu administradór postu administrativu na’in-neen kontinua komunika ho xefe suku sira liuhosi meiu komunikasaun kona-ba kna’ar no funsaun inklui kolabora ho seguransa no tékniku STAE sira bainhira presiza.

“Responsabilidade eleisaun tótal STAE nian la’ós administrasaun, labele kahur ka intervein, labele uza podér nu’udar autoridade ba kaer sasán (materiál eleisaun) sira-ne’e maibé la’o-tuir regra ne’ebé iha,” Prezidente Autoridade Baucau hateten iha Vila Nova, sesta ne’e.

Materiál sensitivu no la’os-sensitivu bainhira desloka hosi nasionál to munisípiu Baucau laiha fallansu, ne’e signifika iha responsabilidade másima ho tótalidade hosi STAE no Komandu Polisía Nasionál Timor-Leste (PNTL)  munisípiu Baucau.

Tanba ne’e, sesta ohin brigadista hamutuk ho PNTL tenke iha responsabilidade atu kontinua distribui urna ba sentru votasaun hamutuk 125 no estasaun votu 150 iha postu administrativu neen, suku 59 iha munisípiu Baucau.

Eis administradór Baucau Vila ne’e husu ba fiskál kada kandidatura p sira atu halo kna’ar tuir lei no koopera ho brigadista sira hanesan prezidente sentru votasaun nune’e labele mosu deszintendementu durante kontajen votu.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here