Kapitaun Fragata, João da Silva , komandante komponente Naval. Imajen Tatoli/Antonio Dasiparu

DILI, 18 marsu 2022 (TATOLI)— Komandu FALINTIL-Forsa Defeza Timor-Leste (F-FDTL), ohin, iha Komponente Navál Hera, ofisialmente halo demissaun ba Kabu Quintino Martins hosi Komponente Navál bazeia ba despaixu Xefe Estadu Maiór Jenerál F-FDTL, Tenente Jenerál, Falur Rate La’ek.

Iha despaixu Tenente Jenerál nian ne’e mós subliña katak, Quintino Martins lakon nia kualidade hanesan militár no labele ona utiliza uniforme ka emblema militár nian tuir artigu 27 regulamentu disiplinár militár nian.

“Komandu F-FDTL demite membru F-FDTL ida Quintino Martins ho deviza Kabu hosi Komponente Navál tanba la kumpre orden Komandu,” Komandante Komponente Navál, Kapitaun Fragata, João da Silva hateten ba jornalista sira hafoin ramata seremónia formatura jerál ba despedida membru F-FDTL ne’e iha komponente Navál Hera, sesta ne’e.

Komandante ne’e dehan F-FDTL iha regulamentu dixiplinár, signifika antes demite membru ida hosi institusaun tenke tuir regra, hanesan dahuluk fó xamada atensaun, hafoin hasa’e ba prevensaun, detensaun prizaun no detensaun prizaun maka sansaun ikus  ne’e mak  Komandu foti hodi deside hasai nia membru.

“Militár ida kuandu la kumpre orden ne’e mós prosesu ida, la kontinénsia ne’e mós prosesu ida, no mal fardadu ne’e mós prosesu ida,”nia akresenta.

Tanba ne’e, nia husu ba membru sira kumpre regra institusaun F-FDTL perante halo servisu hanesan militár. Tanba Komandu molok hasai desizaun atu hasai membru ida tenke liuhosi prosesu, la’ós naran halo de’it.

“Ha’u orgullu ba membru F-FDTL Quintino Martins tanba simu desizaun ne’ebé Komandu F-FDTL foti hodi marka prezensa hodi ohin, ita foti nia boiña atu nia fila ba vida sívil. Nia hatudu ezemplu di’ak katak nia firme mai hosi odamatan no fila mós sai hosi odamatan,” nia kongratula.

Iha despaixu Tenente Jenerál nian ne’e mós subliña katak, Quintino Martins lakon nia kualidade hanesan militár no labele ona utiliza uniforme ka emblema militár nian tuir artigu 27 regulamentu disiplinár militár nian.

Nune’e, Komandu F-FDTL fó agardesementu ba Quintino Martins durante nia dedikasaun no kontribuisaun tomak ba serbisu iha instituisaun Forsa Armada. Enkuantu Kabu Quintino Martins, hosi Munisípiu Maliana, tama iha institusaun F-FDTL iha tinan 2009.

 “Ami agradese ba ita-nia membru ne’e ninian dedikasaun no konstribuisaun durante nia hala’o iha instituisaun F-FDTL,” Komandante Komponente Navál ne’e agradese.

Notísia relevante:  Komandu F-FDTL Demite Primeiru Sarjentu Abreu Ramos da Costa

Jornalista: Natalino Costa

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here