Diretór CNE Nasionál, Adão Soares. Imajen Tatoli/Abílio Elo Nini.

OÉ-CUSSE, 18 marsu 2022 (TATOLI) – Diretór Nasionál Comisaun Nasionál Eleisaun (CNE, sigla portugés), Adão Soares, husu ba órgaun komunikasaun sosiál atu fó-sai informasaun ba públiku ho responsabilidade hodi kontribui enkoraja sidadaun hotu hatene prosesu eleisaun prezidensiál.

“Atu lori prosesu ba iha rai-li’ur ba ema hotu atu asesu, papél mídia nasionál no internasionál-sira, hatudu ita-boot sira-nia papél importante iha prosesu tomak, la’os atu prodús notísia de’it, maibé husu atu halo públikasaun direita no indireita ho responsabilidade hodi kontribui enkoraja sidadaun hotu atu kompriende, tanba liuhosi mídia mak bele transmite informasaun ba ita-nia komunidade,” Adão Soares, halo apelu ne’e iha serimónia distribuisaun materiál sensitivu no la’ós-sensitivu, iha salaun Alfándega, Palaban, Oé-Cusse, sesta ne’e.

Tuir nia, mídia nia papél iha nasaun demokrátiku importante, maibé kuandu midía mak falla fó-sai informasaun, falla la’os iha mídia maibé órgaun eleitorál rua mak mak sei lori todan.

“Tanba ne’e, ami nu’udar liman-ain, matan tilun ba ita-boot-sira, espera ita-boot sira hala’o kna’ar kumpri ho orden, tuir eleitorál nian, no púulika tuir lei no orden sira-ne’ebé maka bele benefísia ita-nia eleitór sira tomak iha rai ne’e,” nia apela.

Adjuntu Prezidente Autoridade RAEOA, Maximiano Neno, enkoraja ofisiál supervizaun CNE ho brigadista hamutuk ho ofisiál eleitorál sira atu hatudu profisionál no atitude disiplina iha sentru votasaun.

“Materiál sensitivu ne’e ita la naran foto arbiru no publika depois komentáriu árbiru iha mídia sosiál, ne’eb’e maka hamosu polémika oinoin iha sosiedade nia let, mosu diskusaun la saudável iha mídia sosiál,” nia katak.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here