Diretora Servisu Saúde Covalima, Maria Fátima Moniz. Imajen Tatoli/Celestina Teles.

COVALIMA, 17 marsu 2022 (TATOLI)—Diretora Servisu Saúde Covalima, Maria Fátima Moniz, hateten Servisu Saúde Munisípiu Covalima distribui ona vasina Pfizer nomós booster ba liña frente sira iha postu administrativu hitu (7) iha Covalima.

“Iha ne’e kampaña vasina Pfrizer no mós booster ba liña frente sira ami la’o ona, ne’ebé ami distribui ona vasina Pfizer ba iha postu administrativu hitu komesa iha semana kotuk,” Diretora Servisu Saúde Covalima, Maria Fátima Moniz, hateten ba Agência Tatoli, iha nia knar fatin, Camanasa, kinta ne’e.

Vasina Pfizer ba estudante sira iha eskola 30 iha munisípiu Covalima, vasinasaun ba COVID-19 ba estudante sira ho idade 12 menus hosi 18 ne’ebé sei halo preparasaun hodi halo advokasia ba inan-aman sira.  

Alvu estudante ho idade 12 menus hosi 18 ne’e hamutuk na’in 8,186 no alvu ba komunidade na’in-1500, nune’e totál alvu tinan 12 menus hosi tinan 18 ne’e hamutuk 9686.

“Vasina booster hahú ba liña frente sira, ba estudante sira ami iha preparasaun sei halo advokasia ba inan-aman sira iha semana kotuk ne’e, hein apoiu orsamentu hosi nasionál no semana oin ami hala’o ona vazina Pfizer ba estudante no profesór sira,” nia informa. 

Vasina booster ba front line distribui ona ba sentru saude hitu (7) mak hanesan Fohorem, Tilomar, Zumalai, Suai Vila, Sentru Saúde Maucatar sei hala’o enkontru ho front line sira no  númeru kada loron sei relata iha lorokraik.

“Privizoriu númeru ne’ebé ami distribui katak vasina Pfrizer ba Postu Fatumea vial 13, pfrizer ba Fatululik vial 10, Fohorem vial 10, Maucatar vial 14, Suai Vila vial 88, Tilomar Vial 28, Zumalai vial 20,” nia informa.

Ho nune’e, estoke vasina iha armajen iha Servisu Saúde Munisípiu Covalima hela de’it vial 17, tanba Servisu Saúde Munisípiu Covalima simu vasina hosi nasionál hamutuk vial 200.

“Alvu ba front line 190 hodi koresponde vial 200 provizoriu sei la’o hela númeru ne’ebé ami atu kobre, tanba foin Fohorem finaliza ona vial 7, postu Fatululik hafoin eleisaun foin hahú nune’e, Sentru saúde haat mak hala’o ona vasina,” nia hateten.  

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here