Diretór Administrasaun, Finansa no Apoia Lojístika Hospitál Nasionál Guido Valadares (HNGV), Raul Humberto Gama. Imajen TATOLI/Felicidade Ximenes

DILI, 17 marsu 2022 (TATOLI)— Diretór Administrasaun, Finansa no Apoia Lojístika Hospitál Nasionál Guido Valadares (HNGV), Raul Humberto Gama, informa submete ona lista pasiente no família pasiente na’in-472 ba Sekretáriadu Tékniku Administrasaun no Eleitorál (STAE) atubele tuir votasaun movel iha loron 19 marsu ne’e.

“Ha’u hanoin lista ne’ebé mak parte HNGV submete ona ba (STAE) bazeia ba dadus pasiente na’in-472, kompostu hosi pasiente na’in-236 no família pasiente 236,” Diretór Raul hateten ba Jornalista sira iha knaar fatin HNGV-Bidaun, kinta ne’e.

Notísia relavante:  MS lakonsege aprezenta lista pasiente ba STAE 

HNGV la submete lista pasiente iha maternidade no emerjénsia tanba la fixu no dala barak mai halo tratamentu la oras sira alta ona.

Kona-bá Pesoál Saúde ne’ebé mak rotativu iha loron 19 marsu iha HNGV na’in-363 no pesoál saúde 218 mak nia kartaun eleitorál hosi munisípiu seluk.

“Ami haruka ona lista pesoál saúde sira atu sir abele vota hotu iha HNGV hodi labele prejudika ba servisu atendimentu iha ospitál,” Responsvél ne’e rekomenda.

HNGV submete lista ba STAE iha loron 16 marsu 2022 no daudaun ne’e organiza ona fatin votasaun iha fatin Enfermeira sira, nune’e pasiente bele vota.

Notísia relavante:  Lista pasiente la aprezenta ba STAE, votasaun movel la akontese iha HNGV

Jornalista : Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here