Diretór CNE Covalima, Hermenegildo de Sena. Imajen Tatoli/Celestina Teles.

COVALIMA, 17 marsu 2022 (TATOLI)—Komisaun Nasionál Eleisaun (CNE-Sigla Portugés) sei hamoos materiál propaganda eleitorál ka atributu kandidatu Prezidente Repúbliku hanesan pamfletu no bandeira partidu nian sira-ne’ebé taka no hariik iha estrada públiku hafoin eleisaun ramata. 

“Los duni kandidatu Prezidente Repúblika na’in-16 mak hala’o sira-nia atividade kampañia eleitorál ne’ebé termina iha loron 16 fulan-marsu ne’e. Entaun bazea ba lei kampaña eleitorál, kandidatura sira hamoos atributu hanesan pamfletru no materiál propaganda hafoin eleisaun durante semana ida mak ekipa susesu la hamoos, CNE sei hamutuk ho autoridade seguransa sei hamoos,” Diretór CNE Covalima, Hermenezildo de Sena, informa ba Agência Tatoli, iha nia knar fatin, Kampung Baru, kinta ne’e.

Bazea regulamente kampañia eleitorál sira, hamos materiál propaganda bainhira hafoin eleisaun durante semana ida ekipa susesu la hamoos pamfletu taka iha dalan públiku iha fatin ne’ebé de’it, CNE sei haruka karta ba Autoridade Munisípiu Covalima, nune’e CNE sei ba hamoos no daudaun ne’e CNE bele hamoos maibé famfletu ne’ebé taka besik iha sentru votasaun sira. 

“Ita koordena ona ho ofisiál CNE hasai ka hamoos uluk pamfletu ne’ebé mak sira taka besik iha sentru votasaun. Razaun haruka sira hasai, tanba atu labele desturba eleitór sira-nia konsentrasaun tanba lei proividu,” nia dehan.

Regulamentu kampaña no propaganda eleitorál

Bazea ba Dekretu Governu númeru 5/2017, 27 fevereiru, kona-ba regulamentu kampaña no propaganda eleitorál, artigu 15 alínea dahuluk hateten, kandidatu sira tenke hamoos materiál kampaña propaganda ho prazu semana-ida, hahú loron tuir mai hafoin kampaña eleitorál.

Alínea daruak hosi artigu 15 ne’e mensiona, kandidatu hirak-ne’ebé hakat ba segunda volta sei bele kontinua hala’o nia kampaña propaganda (sei hein rezultadu eleisaun ronde dahuluk).

Alínea datoluk hosi artigu 15 ne’e fundamenta, bainhira materiál sira ladauk limpeza tuir tempu, CNE iha devér hamutuk autoridade seguransa limpeza no dahaat kustu operasaun ba limpeza sei apoia hosi kandidatura sira.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here