Administradór Dioseze Baucau, Padre Alípio Pinto Gusmão. Imajen TATOLI/Natalino Belo.

BAUCAU, 17 marsu 2022 (TATOLI) – Administradór Dioseze Baucau, husu sarani hotu atu uza direitu no devér atu vota ba kandidatu Prezidente Repúblika tuir konsiénsia iha loron eleisaun maibé buka ema-ne’ebé hatene serbisu atu lori Timor-Leste ba prosperiedade.

Administradór Dioseze Baucau, Padre Alipio Pinto Gusmão, hateten, uma kreda Katólika fó-sai iha karta pastorál hodi informa ba sarani sira iha kada parókia katak husu sarani idak-idak uza direitu no devér ho di’ak atu partisipa ativa iha loron eleisaun.

Padre Alipio fó hanoin sira atu ba vota iha sentru votasaun sira-ne’ebé determina atu hili Prezidente Repúblika tuir konsiénsia maibé mós tuir prinsípiu ka valór hirak-ne’ebé mak evanjellu iha katak, buka ema-ne’ebé hatene serbisu atu lori Timor ba prosperiedade.

“Ita hotu hanesan sarani, hanesan mós sidadaun di’ak, uza ita-nia direitu no devér atu ba vota,” Administradór Dioseze Baucau hateten iha Igreja Katedrál, Vila Antiga, kinta ne’e.

Padre ne’e akresenta, maske kandidatu balun la’ós perténsia ba sidadaun balun ninia kandidatura, maibé eleitu ona ba Prezidente Repúblika nu’udar aman ba Povu Timor-Leste nian, tanba ne’e nu’udar sarani Katólika tenke kolabora no kria ambiente hakmatek iha sosiedade.

Jornalista   : Natalino Belo
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here