Administradór Diosezanu Dioseze Baucau, Padre Alípio Pinto Gusmão. Imajen TATOLI/Natalino Belo

BAUCAU, 17 marsu 2022 (TATOLI) – Administradór Dioseze Baucau husu sarani iha Dioseze refere atu ho pasiénsia kontinua hein Santa Sé kona-ba nomeasaun Bispu foun.

Administradór Dioseze Dioseze Baucau, Padre Alipio Pinto Gusmão, hateten, prosesu hili Bispu dioseze Baucau hahú ona maibé kompeténsia tomak iha nunsiatura ne’ebé reprezenta Santa Sé iha Timor mak iha podér tomak halo preparasaun atu promeve prosesu ne’e.

“Ne’e segredu bolu dehan pontifísiu, ita hein de’it entre fulan fulan-hitu ita bele iha ona Bispu foun,” Admistradór Dioseze Baucau hateten hafoin remata misa selebrasaun loron padrueiru Dioseze Baucau São José iha Igreja Katedrál, Vila Antiga, kinta ne’e.

Padre Alipio seidauk la hatene kona-ba kandidatura hira mak sei hili sai Bispu Dioseze Baucau no informasaun kona-ba rezultadu prosesu hili Bispu.

Maske nune’e, Padre Alipio iha esperansa katak iha novembru bainhira selebrasaun aniversáriu ezisténsia Dioseze Baucau ba dala-XXV, sarani Baucau bele iha iha ona Bispu Dioseze Baucau foun.

“Hein katak Bispu foun iha lalais tanba Bispu mak iha podér kompletu atu ukun, jere Dioseze Baucau,” Padre Alipio akresenta.

Entretantu, Dioseze Baucau kinta ohin, selebra loron padrueiru São José nu’udar mahein ba Dioseze Baucau, no sei hahú ho vizita illas São José ba parókia hotu iha Dioceze Baucau antes Illas São José nian fila-hikas ba Katerdrál Baucau iha loron 30 fulan-novembru.

Dioseze Baucau rasik daudaun ne’e seidauk iha Bispu tanba antes ne’e iha loron 30 outubru 2021, Bisipu Dioseze Baucau, Dom Basílio do Nasimento hakotu iss tanba sofre moras fuan iha Hospital Nasionál Guido Valadares, Dili.

Notísia relevante: Dom Basílio haloot ona iha fatin ikusliu

Jornalista   : Natalino Belo
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here