Kandidatu Prezidente Repúblika períodu 2022-2027, Martinho Germano da Silva Gusmão. Imajen TATOLI/Jogerjo Guterres

DILI, 16 marsu 2022 (TATOLI)–Kandidatu Prezidente Repúblika (PR), Martinho da Silva Gusmão, hakarak kandidata aan sai PR ba périodu 2022-2027 ho vizaun sai bibi atan nasaun nian no mahein Povu Timor-Leste nian.

Ho vizaun ne’e, kandidatu PR ho sorteiu númeru 13 ne’e, nia kompromisu polítiku maka bainhira eleitu, sei la kompromete ba PUDD (Partidu Unidade Dezenvolvimentu Demokrátiku), partidu ne’ebé apoiu mós nia kandidatura ka partidu polítiku sira seluk maibé sei halo kompromisu polítiku ho fuan laran tomak ho partidu sira hotu.

Ho liafuan “komprometidu” ne’e, tuir kandidatu PR, Martinho Gusmão katak mamuk lós, laiha kbiit no beran atu sai hanesan xefe Estadu maibé liuhosi kompromisu polítiku halo esforsu tomak atu hamoris no haburas PUDD nu’udar baze apoiu hodi reprezenta PR nia lian iha PN (Parlamentu Nasionál).

“Nune’e mós, PUDD sei halo kompromisu polítiku atu hato’o PR nia hanoin no hakarak ba PN no halo iha Governu maibé garante nafatin “regras da democracia pluralista” no “princípio de separação de poderes,” nia dehan.

Nia reforsa, “ITA-nia “compromisso político” tuir loloos kedas mandato CONSTITUCIONAL nian, katak “… construção de um país justo e prospero, e desenvolvimento de uma sociedade solidária e fraterna” …”.

Atu hatene klaru liután kona-ba Kandidatu Martinho Gusmão nia kompromisu polítiku no informasaun relevante, informasaun mak tuirmai ne’e:

  • Construção de um país justo e prospero –harii rai Timør tuir nia dalan ba moris di’ak
  1. Orden ekonomia;
  2. Orden polítiku;
  3. Orden sosiál;
  4. Orden jurídiku;
  5. Defeza no seguransa nasionál;
  6. Urbanizasaun, ruralizasaun, emigrasaun;
  7. Juventude, feto, no mós defisiénsia sira;
  • Desenvolvimento de uma sociedade solidária e fraterna
  1. Diálogu inter-reliziozu: katóliku, protestante ho musulmanu;
  2. Kampaña fraternidade umana: renasimentu kulturál “Firaku- kaladi”; hanesan hakerek ona “Firaku-kaladi fratelli tutti”.
  3. Halo arte marsiál hanesan fatin hodi hametin “cultura da paz” no hasees tiha “cultura da violência”.
  4. Solidariedade internasionál ba ASEAN liu-liu ho Indonézia, CPLP, g7+ to’o ONU no bilaterál ho Indonézia, Portugal no Austrália.
  • Cidadania ecológica
  1. Fronteira terrestre no marítima;
  2. Mudansa klimátika;
  3. Eko-feminizmu;
  4. Pedagojia ekolójika.

 Lema

Kandidatu PR ho sorteiu númeru 13 nia lema mak: Hodi povu, ho povu, iha povu, ita manan

Vizaun no misaun

Kandidatu PR, Martinho Gusmão nia vizaun no misaun mak hanesan mensiona tuirmai ne’e:

Vizaun

Bibi atan nasaun nian, mahein povo Timor-Leste nian

Misaun

La hein tula liman ba “transição” de’it, maibé lolo-liman ba “transformação” derasan (jerasaun) foun

KONSENSU NASIONÁL

Tau ba sorin ka kotuk buat sira-ne’ebé hafahe ita, lori ba oin buat sira-ne’ebé halo ita hamutuk harii nasaun (nation building) no hametin Estadu (state building)–ne’e mak REVOLUÇÃO DA EDUCAÇÃO–JUSTIÇA-PAZ

REVOLUSAUN EDUKASAUN

  1. Mestre–alunu; mestre moris di’ak, alunu sira moris kmanek. PR sei lao haree mak ENSINO BÁSICO sira hosi Lospalos to’o Oe-Cuse hodi hadi’ak hotu; PR la’o ba rai-li’ur buka investimentu boot ba edukasaun báziku…
  2. Língua – PR ida ne’e sei halo kampaña atu estudante sira no mestre sira domina língua Tetum, Portugés, Inglés no Bahasa Indonézia. Sei apaga “projetu pilotu língua materna”, maibé loke espasu atu mestre/a sira bele ko’alia “dalen moris” língua nativa) iha prosesu ne’ebé hanaran “character building”, katak hatene ninia moris isin no klamar nian.

Ohin loron ita haree beibeik violénsia ne’ebé joven sira halo ba malu liuhosi grupu arte marsiál. Ha’u husu–“tan sa”? H’au hanoin, ita lakon “linguagem poética” – lakon lian-midar, lian-mamar, lian -kmanek, lian-kmook … enfim, lakon “civilização do amor” civilis amoris cultu). CULTURA MORIS DI’AK HATUUR IHA NO HATUDU HUSI LINGUA …

  1. Livru – PR sai promotor ba “sani-na’in – hakerek-na’in”. Halo kursu no halo konkursu hodi haburas “cultura do livro”.

Hatuur Hikas Justisa

  1. Sai PROMOTOR atu harii sosiedade Timor-Leste hodi hatuur iha “justiça social” hamoris no haburas “bem-estar material e espiritual” ba Timores hotu-hotu (6: e).
  2. Juro por DEUS, pelo POVO e por minha HONRA … cumprir e fazer cumprir a Constituição e as leis … (77).
  3. Nu’udar símbolu ho garante ba “regular funsionamentu husi instituisaun demokrátika” sira nian, PR mak tau-matan uluk ba “principio da separação de poderes” hodi hakait ba “interdependência dos poderes” ne’ebé hatuur ona iha Konstituisaun preambulu; 69).

Haburas Kultura ba Dame

  1. PROMOTOR ba “… construção de um país justo e próspero, e desenvolvimento de uma sociedade solidária e fraterna” …
  2. Lori tau ba moris loro-loron POVO nia “profundo sentimento”, POVO nia hakarak no mehi sira, POVO nia fiar ba MAROMAK …

 Biodata

Kandidatu Prezidente Repúblika ho númeru sorteiu 13, nia naran kumpletu mak Martinho Germano da Silva Gusmão. Moris iha Baucau, 22 maiu 1968. Aman: Francisco Gusmão husi uma knua Malu-Ho’o fBercoli, Venilale), maktoban (2013) uluk sai delegadu FRETILIN iha Bercoli, 1974; inan – Amélia da Silva husi uma knua Ua-Bubu (BahÚ, Baucau), maktoban (2008) hatudu dalan ba rezistensia morál.

Estudu báziku sira hala’o iha Misaun Salesiano, iha Baucau – SD too SMP (1974-1985). Tama Seminarium Santi Dominici, Hokeng Flores, NTT (1985-1989); sai “Penulis Terbaik, 1988”. Tama fali iha Ano Propedéutika, Semináriu Nossa Senhora de Fatima, Lahane (1989-1990), sai akolitu iha Misa Pontifisiál husi Papa João Paulo II Taci-tolu, 12/10/1989); Ano de Espiritualidade, Puruhita Jakarta (1990-1991).

Tutan ba Sekolah Tinggi Filsafat dan Teologi fSTFT) Widya Sasana Malang, 1991-1995 hasai licensiatura iha Filozofia no mestradu iha teolojia inkulturativa, 1998, ho teze kona-ba Y.B. Mangunwijaya no Hans Urs von Balthasar.

Hasai mestradu iha Filozofia Polítika husi Faculdade de Filosofa, Universidade Pontificia Gregoriana, Roma, hotu iha 2005 ho teze kona-ba Hans-Georg Gadamer hakait ba Filozofia Prátika husi Aristoteles no Karl Marx.

Foti kursu dalen Italianu iha Instituto Dante Alghieri & Pontificio Collegio Pio Brasiliano, rua ne’e iha Roma (2001); kursu iha língua no literatura Fransés nian iha Institut pour la Langue et Culture, husi Universidade Católica Paris (2002); nune’e mós literatura Inglés nian iha Oxford Language Centre husi Oxford University, UK (2003).

Esperiénsia nu’udar MESTRE – Iha 1989-1990 hanorin iha SDN I Farol; 1990-1991 hanorin iha SMPK Gembala Baik Jatinegara (Jakarta); 1992-1993 tulun fó kursu iha SMAK Cor Iesu, Malang; 1995-1996 hanorin iha SMPK Soibada; 1997 ajuda fó kursu kona-ba hakerek teze ba estudante sira iha Malang.

Iha 2006 hahú hanorin Filozofia iha Seminário Maior Interdiocesano São Pedro e São Paulo, Fatumeta; iha 2013 hatutan ba Instituto Superior de Filosofa e de Teologia (ISFIT) Dom Jaimé Garcia Goulart; iha Instituto Católico para a Formação dos Professores fICFP), Baucau (2006-2008).

Hanorin mós iha Universidade Nacional Timor Lorosa’e fUNTL); no Universidade da Paz (UNPAZ), Dili. Ba ona sai panelista iha National University of Singapore (2006), 2006; oradór iha United Nations University (Tokyo, 2008); Northern Institute, Charles Darwin University (2014); University of California Santa Barbara, USA (2016).

Tuir semináriu barak reprezenta Timor-Leste iha fatin barak, hanesan Brasilia, Denpasar, Genebra, Jakarta, Lisboa, Nova Zelándia (Waitangi), Oslo, Paris, Perth, Roma, Seoul, to’o Stockholm.

Knaar sira iha Diocese Baucau mak sai Diretór Comissão da Juventude, 1998-2001, no Diretór CARITAS,1999-2001 … harii FOSCA; involve iha DIALOGO DARE I-II (1998-1999), partisipa iha GMG 2000 (Giornata Mondiale della Giuventù, Roma.

Fila husi Roma, nia asume kargo nu’udar Diretór Comissão da Justiça e Paz (2005-2012); hetan fiar atu sai Prezidente ba Komisaun Organizadora no Sekretáriu Ezekutivu ba FORUM MAUBISSE (I – 2010; II – 2011; III – 2012); reprezenta Igreja Katólika iha Comissão Nacional de Eleições (CNE), 2007-2013.

Hakerek livru hamutuk 27 kona-ba Filozofa polítika, teologia, bíblia-liturgika, inter-reliziosu, justisa ho pás, sistema eleitorál to’o kultura iha Tetum, Bahasa Indonézia, Inglés no Portugés.

Ko’alia dalen Tetun, Bahasa Indonésia, Inglés, Italianu ho Portugés; rona mós no hatene Fransés no Español; bele sani iha Alemaun (testu bilinguál ho Italianu), Latin no Gregu filozofia nian). Dalen moris nian mak Makasae ho Uaima’a to’o Midiki ho Kairui.

Jornalista : Rafy Belo

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here