Institutu Defeza Direitu Kriansa (INDDICA-Sigla Portugés), servisu hamutuk ho Banco de Sangue HNGV hala'o doasaun ran. Iha Timor Plaza, domingu (16/03). Imajen Tatoli/Francisco Sony

DILI, 16 marsu 2022 (TAOLI)–Instiutu para Defesa dos Direitos da Criança (INDDICA) no Plan Internasional Timor-Leste (PITL), kuarta ne’e, organiza doasaun raan hodi ajuda ba pasiente labarik sira.

“INDDICA nia papel mak atu proteje labarik sira tanba ne’e instituisun kooperasaun ho PITL no Ministériu Saúde (MS) atu realiza atividade doasaun raan ba labarik sira,” Diretora Jerál INDDICA, Teresa Maria Freitas, hateten ba jornalista sira iha Timor Plaza, Dili.

INDDICA aprezenta karta pedidu ba kontribuisaun ba Minitériu Edukasaun Juventude no Desportu (MEJD), Ministériu Solidariedade Sosiál  no Inkluzaun (MSSI), Ministériu Saúde (MS), Secretáriu Estadu Juventude  no Desportu ho objetivu atu halo doasaun raan.

Ativdade doasaun raan ne’e nakloke ba ema hotu atu bele doasaun raan hodi salva labarik sira-nia moris.

Xefe Departamentu Banco de Sangue Ospitál Nasionál Guido valadares (HNGV), Januário Freitas da Cruz, hateten daudaun ne’e HNGV iha pakote 208 mak disponivel atu ajuda pasiente hodi kontribui raan ho tipu oioin.

Tipu raan iha Banco de Sangue ba labarik ne’ebé mak afetadu dengue hela pakote 10 ho tipu raan O, raan tipu A lima, raan tipu B iha tolu (3) no raan tipu AB zero.

“Tanba pasiente infetadu sira tenke presiza raan fresku hodi bele ajuda sira. Nune’e husu komunidade atu kontribui doasaun raan ne’e iha HNGV hodi salva pasiente labarik sira,” nia dehan. 

Diretór Nasionál Apoiu Servisu Ospital MS, Nilton da Silva, hateten reprezenta MS ba atividade INDDICA kona-ba doasaun raan hosi ajuda labarik moras.

Nia dehan labele tauk atu halo doasaun raan, bainhira sira saudável no livre hosi teste iha klinika sira.

“Importante mak doasaun raan bainhira labarik infetadu sira presiza raan,” nia dehan.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here