Diretór Agrikultura Munisípiu Covalima, Domingos Gusmão. Imajen Tatoli /Celestina Teles.

COVALIMA, 16 marsu 2022 (TATOLI)—Diretòr Servisu Munisípiu Agrikultura Covalima, Domingos Gusmão, relata iha tinan 2021 ne’e área kultivasaun fore-mungu hosi postu administratuvu Tilomar, Suai Vila, Maucatar no Zumalai prodús fore-mingu tonelada 13,86.97.

“Bazea ba dadus, ita haree munisípiu Covalima potensialidade ba produsaun fore-mungu ne’ebé iha tinan 2021 área kultivasaun fore-mungu hosi postu administrativu Tilomar, Suai, Maucatar no Zumalai, bele hasa’e produsaun tonelada 13,86.9,” Domingos Gusmão informa ba Agência Tatoli, iha nia knar fatin Tabakolot, kuarta ne’e.

Área kultivasaun fore-mungu tonelada 13,86.9 mai hosi postu administrativu sira hanesan postu administrativu Tilomar área kultiva fore-mungu 75, produtividade 1.3 no produsaun tonelada 97.5, Suai Vila área kultiva fore-mungu 772.18, produtividade 1.5 produsaun tonelada 1158.27, Maucatar área kultiva 83, produtividade 1.4 produsaun tonelada 116.2, Zumalai área kultiva 12.5, produtividade 1.2 produsaun tonelada 15.

Tanba ne’e, nia dehan, dadus tinan 2021 hasa’e produsaun fore-mungu 13,86.9 maibé dadus tinan 2022 seidauk iha, tanba époka seidauk tempu atu kuda fore-mungu no hafoin kuda mak foin iha dadus nune’e foin lalais fahe ona fini fore-mungu tonelada haat ba agrikultura sira iha munisípiu Covalima. 

“Foin lalais ita fahe ona fore-mungu tonelada haat, duké ita tau iha ne’e sai fuuk, di’akliu ita distribui  ba benefisiariu sira, iha postu administrativu 7 tuir kondisaun kultivu ne’ebé ita iha. Ita ko’alia kona-ba ai-horis ema bolu rekejitu kresimentu no komoditi la hanesan,” nia dehan.

Munisípiu Covalima potensialidade hasa’e produsaun fore-mungu, tanba ne’e Servisu Munisípiu Agrikultura Covalima distribui ona fini ba agrikultura sira hodi bele hasa’e produsaun.

“Covalima área ne’ebé prodús fore-mungu, nune’e ita distribui ona fini fore-mungu bazea rekejitu, hein sira bele kuda no kuida ikus mai bele fó produsaun. Tanba agrikultuta atu kuda de’it la to’o, ita kuda no ita mós tenke kuida. Ita la susesu, ita labele ko’alia kona-ba koileta,” nia hateten. 

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here