Matebian, Manuel Pereira. Imajen/Espesiál

DILI, 15 marsu 2022 (TATOLI)— Tribunál Distritál Suai (TDS) liuhosi julgamentu primeiru interrogatóriu aplika medida koasaun prizaun preventiva ba arguidu EA, ne’ebé oho Manuel Perreira, iha Suku Nunumoge, postu administrativu Hatubelico, munisípiu Ainaro.

“Suspeitu EA, horiseik (14/03), submete ba primeiru interrogatóriu iha Tribunál Distritál Suai ne’ebe deside aplika kedan prizaun preventiva,” Segundu Komandante Munisipiu Ainaro, Superintendente Asistente Mario Victor da Costa, hateten ba Agência TATOLI, via telefónika, tersa ne’e.

Notísia relevante: Suspeitu oho Manuel Perreira submete ona ba primeiru interrogátoriu

Ministériu Públiku nuudar entidade halo asaun penal, aplika krime omesídiu agravadu ba arguido EA, ne’ebé previstu iha artigu 139 iha kódigu penál Timor-Leste.

Kazu omesídiu agravadu ne’e, akontese iha sábadu (12/03), tuku 13:30, lokraik ne’ebé hakotu matebian Manuela Perreira ho idade 30, nia vida no polisia halo investigasaun hodi indetifika duni suspeitu no detein iha loron 12 marsu, foin lalais ne’e.

“Arguidu EA daudaun detein ona ona iha prizaun Suai hodi hein prosesu julgamentu tuir mai,” Komandante ne’e akresenta.

Kazu omesídiu no mutilasaun ne’e  liga ho problema pasadu entre matebian no suspeitu halo torturasaun fízika hanesan sunu halimar matebian ne’e nia inan iha tinan 2000. Entaun iha tinan 2017 matebian Manuel Pereira, halo fali tentativu omesídiu hasoru suspeitu EA no matebian momentu ne’ebá konsege ta’a kanek suspeitu EA nia oin. 

Ho nune’e matebian Manuel Pereira konsege submete ba prosesu justisa tanba nia atus no konsege tama prizaun preventiva no hetan liberdade iha agostu tinan 2021.

Hafoin supeitu ne’e tesi kotu matebian nia ulun no tara iha ai leten, konsege halai lakon, maibé iha tuku 17:30, Sábadu  nia rasik mai entrega-an fali PNTL no submete ba investigasaun.

Ekipa kompostu hosi Xefe Investigasaun no membru sira balun rekolla ona dadus iha lokál akontesimentu, maibé matebian Manuel Pereira nia mate ne’e ulun laiha, tanba suspeitu ida oho matebian, ta’a matebian hanesan asasinatu.

Hafoin ekipa sira tun hodi halo identifikasaun ba matebian nia mate isin, sira buka tuir matebian nia ulun no konsege hetan iha kilómetru ida hosi lokál akontesimentu.

Enkuantu, mate isin Manuel Pereira, halo ona autopsia iha Hospitál Nasionál Guido Valadares (HNGV).

Notísia relevate: Komandu PNTL Ainaro detein ona suspeitu komete kazu omesídiu

Jornalista : Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here