Imajen voleiból iha Jináziu Dili. Foto dok. Tatoli

DILI, 15 marsu 2022 (TATOLI) – Governu liuhosi Sekretáriu Estadu Juventude no Desportu (SEJD), tinan ne’e, aloka orsamentu $50.000 ba Federasaun Voleiból Timor-Leste (FVTL) hodi realiza liga voleiból iha Timor-Leste.

“Osan ba Federasaun Voleiból hodi realiza liga ita tau $50.000 hodi realiza liga Voleiból iha tinan ne’e,” Diretora Nasionál Alta Kompetisaun SEJD, Maria Luisa Monteiro ba Agência TATOLI iha knar fatin, tersa ne’e.

Notísia relevante: FVTL hahú fó formasaun ba treinadór no arbitrajen voleiból 

Iha sorin seluk, Prezidente FVTL, Inocencio Araújo da Silva, hateten tuir planu liga voleiból ne’e sei realiza iha fulan setembru ou outubru tinan ne’e.

“Tuir kalendáriu ne’ebé mak ita hatama ba SEJD no Konfederasaun Desportiva Timor-Leste (CDTL-sigla-Portugés) ita nia liga sei hala’o iha setembru ou lae outubru, loos duni apoia osan hosi SEJD,” dehan Prezidente ne’e.

Tanba ne’e, iha tempu besik FVTL sei hasai avizu ba klube hotu ne’ebé hamahan an iha Liga Voleiból Timor – Leste atu bele partisipa. Maibé klube balun la eziste ona mak FVTL sei fó sai avizu atu klube balun iha inisiativa bele partisipa.

Notísia relevante: Liga Voleiból Sei Realiza iha Tempu Besik

Jornalista: Hortencio Sanchez

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here