Vise-Prezidente Parlamentu Nasionál, Maria Angelina Lopes Sarmento. Imajen Tatoli/Egas Cristóvão

DILI, 15 marsu 2022 (TATOLI)—Vise Prezidente Parlamentu Nasionál, Maria Angelina Lopes Sarmento, hateten tersa ne’e labele hala’o reuniaun plenária hanesan baibain tanba deputadu sira maiória ba partisipa kampaña eleitorál.

Notísia Relevante: La prenxe korum, PN adia diskusaun rezolusaun solidaridade ba Ukráina

“Ohin PN lakonsege realiza plenária tanba ho razaun agora ita iha períodu kampaña eleitorál   hela tan loron rua atu termina no maiória deputadu sira ba partisipa atividade kampaña ne’e. Ho nune’e laiha korum deliberativu atu ami halo plenária ba ajenda importante rua ida rezolusaun funu Ukránia no votasaun veto prezidensiál komutasaun pena, maske tuir oráriu reuniaun plenária hala’o iha loron segundano tersa,” Vise PN ne’e relata ba jornalista sira iha Parlamentu Nasionál, tersa ne’e.

Rejimentu Parlamentu Nasionál katak funsionamentu iha plenária ne’e mínimu deputadu na’in-23, maibé ba korum deliberativu katak atu halo votasaun ruma ne’e presiza iha deputadu na’in-33 mak foin bele halo votasaun ba rezolusaun ruma ka lei ruma ne’ebé iha.

Tuir ajenda PN, tersa ne’e, períodu antes orden do dia aprezentasaun relatóriu fiskalizasaun Komisaun trata asuntu Edukasaun, Juventude, Kultura no sidadania iha munisípiu Covalima, intervensaun deputadu.

Ba ajenda períodu orden do dia mak diskusaun no votasaun projetu rezolusaun PN númeru 89/V(4a) kona-ba krize iha Ukránia no apresiasaun foun ba dekretu PN númeru 57/V-primeiru alterasaun lei nú 5/2016, 25 maiu, estabelese prosedimentu konsensaun indultu no komuntasaun pena.

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here