Ró peska no traballadór mout bainhira halo hela serbisu, iha tasi, Koreia Súl, kuarta (02/03). Imajen/Espesiál

DILI, 15 marsu 2022 (TATOLI)—Sekretáriu Estadu Formasaun Profisionál no Empregu, Alarico de Rosário, hateten, traballadór timor-oan, Armando Abel do Santos, nia mate-isin iha Koreia Súl seidauk bele transporta mai Timor-Leste tanba sei iha prosesu investigasaun.

“Ita-nia traballadór ida ne’ebé mate iha Koreia Súl, iha loron (02/03) tanba mout iha tasi, daudaun ne’e mate-isin iha hela mortuáriu ospitál Korea Súl nian, Ita seidauk bele lori mai tanba sei iha prosesu investigasaun hosi Polísia Koreia Súl,” Sekretáriu Estadu Alarico, informa iha salaun Madre Canosiana, segunda ne’e.

Notísia relevante: Traballadór timor-oan Armando mout iha tasi Koreia Súl hakotu iis

Nia dehan, mate-isin seidauk bele lori transpoerta tanba Koreia Súl nia lei bainhira ema hetan insidente ruma mak mate, Polísia sira sei halo investigasaun kle’an to’o hetan rezultadu no submete ba prokuradór país ne’e rasik, mak foin hasai desizaun ikus hodi deside hasai mate-isin hosi mortuáriu.

“Agora daudaun ne’e seidauk iha rezultadu, ne’ebé ita hotu hein de’it, bainhira iha ona sira sei informa mai ita no ita sei lori mate isin mai Timor-Leste,” nia  akresenta.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here