Ministra Saude, Odete Belo, vasina hela estudante Colesio St. Inacio de Loiola Casait. Imajen TATOLI/Hortencio Sanchez

DILI, 15 marsu 2022 (TATOLI)— Diretór Servisu Saúde Munisípiu Liquiça, Oris da Costa Alberto, informa estudante hamutuk 4.413 hosi eskola 28 iha munisípiu Liquiça mak simu ona doze dahuluk vasina Pfizer. 

“Iha munisípiu Liquiça, eskola hamutuk 77, maibé iha eskola 28 mak inisia ona vasina Pfizer. Nune’e labarik idade 12 to’o menus 18 simu ona vasina hamutuk 4.413,” Diretór Servisu Saúde ne’e hateten iha Hotel Timor,tersa ne’e.

Notísia relevante: Governu lansa vasina Pfizer doze dahuluk iha Munisípiu Liquiça

Nune’e, Servisu Saude Munisípiu Liquiça hahú halo advokasia ba eskola sira atu estudante sira bele simu vasina Pfizer hodi prevene an hosi COVID-19.

“Ita presiza sensibiliza ba komunidade no ba eskola sira atu labarik sira bele simu vasina no labarik ne’ebé  mak la eskola ne’e tama ba iha faze daruak hodi bele atine trajetu hodi ministériu saúde”nia akresenta.

Durante vasina Pfizer, Responsavél ne’e dehan la simu keixa husi inan-aman sira kona-ba labarik sira simu vasina, maibé sira suporta no apresia tebes ba servisu saúde nian atividade.

Ministériu Saúde (MS) inisia implementasaun iha loron 15 fevereiru, kampaña atu administra primeira doze vasina Pfizer ba joven ho idade 12 to’o 17, iha munisípiu Liquica ho sentidu atu mitiga propogasaun Covid-19. Lansamentu hala’o iha Koléjio Santo Inácio de Loiola, iha Cassait.

Hahú 21 marsu 2020 to’o 14 marsu 2022, Timor-Leste rejista   kumulativu kazu konfirmadu 22.793, kumulativu rekuperadu 22.607 no óbitu 129.

Taxa partisipasaun Sidadaun iha territóriu nasionál ne’ebé simu ona vasina doze dahuluk 85,0% no doze daruak 72,3%.

Timor-Leste rejista estudante ne’ebé simu ona vasina doze dahuluk 26,1% no 17,1% ne’ebé simu ona vasina kompletu.

Notísia relevante:COVID-19: kazu detetadu pozitivu na’in-rua no ativu 57

Jornalista : Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here