Vise-Ministra Turizmu Komunitáriu no kulturál, Inácia da Conceição Teixeira no ekipa rona aprezentasaun sítiu istóriku iha Dili ne’ebé presiza hadi’a, hosi Diretór Ezekutivu CNC, I.P, Hugo Maria Fernandes no ekipa. Imajen/MTKI

DILI, 14 marsu 2022 (TATOLI)—Ministériu Turizmu Komérsiu no Indústria (MTKI) hamutuk ho Centro Nacional Chega!, Institutu Públiku (CNC, I.P), tinan ne’e sei kolabora halo reabilitasaun ba sítiu istóriku uma-kultura iha Tasi-tolu.

Vise-Ministra Turizmu Komunitáriu no kulturál, Inácia da Conceição Teixeira, hateten, kona-ba reabilitasaun ba sítiu istóriku iha kapitál Dili, CNC aprezenta fatin tolu hanesan Casa de Europa, Cârama Eklejiaztíka, no uma-kultura Tasi-tolu, maibé sei halo uluk ida.

“Nune’e MTKI deside hamutuk ho ekipa, tinan ne’e halo uluk renovasaun ba sítiu istóriku uma-kultura iha Tasi-Tolu,” Vise-Ministra Inácia da Conceição, informa, liuhosi nota ne’ebé Agência TATOLI asesu, segunda ne’e.

Notísia relevante: CNC tau importánsia ba programa prioridade tolu iha 2022

Diretór Ezekutivu CNC, I.P, Hugo Maria Fernandes, hateten, tinan ne’e hili uluk uma-kultura Tasi-Tolu hodi halo reabilitasaun hanesan fatin turizmu ba vizitante sira no rua seluk tinan mai fali mak haree.

“Fatin turizmu rezisténsia hanesan Casa de Europa nia kondisaun di’ak hela, maibé  nia plafon sira mak a’at ona, enkuantu Câmara eklejiáztika sei halo karta ba Bispu Metropolitana, husu atu halo pedidu audiénsia atu prepara konseitu, nune’e bainhira konsege hasoru malu mak bele aprezenta kedas ho Konseitu ne’e,” nia dehan.

Nune’e, Diretór Ezekutivu, I.P  husu ba MTKI, molok halo reabilitasaun, presiza komunika ho Ministériu Finansa no Ministériu Justisa hodi define didiak área ne’e, tanba iha ona investimentu boot hanesan Pelican pParadise.

Tanba ne’e, presiza prepara nune’e bainhira implementasaun turizmu rezisténsia sira, lebele hamosu problema iha futuru.

Jornalista : Arminda Fonseca

Editora      : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here